Manchester United tlarhnung chu beisei loh takin tun hnaiah an chak lohna ber a rawn ni chho ta a, tlarhnung lam dinhmun hian ngaihtuah a tithui hle.

Tun season inṭan aṭangin United hian match thum chauh an la khelh chhungin goal ruk ngawt an chhuah der tawh a, inelna hrang hranga an match 14 khelh hnuhnung berah clean sheet vawi thum chiah an la nei thei bawk a ni. An tlarhnung venhim dan leh goal an chhuah zat data en hian a beidawnthlak takzet a ni.

He an tlarhnung harsatna sutkian a, venhimna nghet leh rintlak din thar leh tur hian Manchester United defender hlui Rio Ferdinand chuan rawlthar theihna ngah Ayden Heaven leh Yoro te chu mawhphurhna pawimawh tak pek an ngaih zia a tarlang a. United tlarhnung siamṭhat lehna kawngah heng rawltharte hian hmun pawimawh tak an luah a ṭul thu a sawifiah a ni.