Kumin nipui transfer bazar chhung khan Manchester United chuan left-back thar an mamawh takzet tih chu an fan-te ngaihdan tlangpui a ni a. Club neitu thar INEOS lamin he hmunruak hi hnawhkhat turin hma an lak ngei an beisei hle bawk a ni.

Laurie Whitwell-a'n a tarlan danin, transfer deadline day-ah INEOS lam hian left-back lakluhna kawngah theihtawp an chhuah (go all guns blazing) ngei an ring a, he harsatna hi an chinfel an lo beisei hlawm hle a ni. Mahse fan-te beisei ang lovin, United co-owner-te chuan deadline day-ah hian left-back lakluh aiin midfielder dang lakluh zawk an hnaih ta zawk a ni.

He thutlukna hian United ṭantute mai bakah squad chhungrilah pawh ngaihdan hrang hrang a siam a. Kumin nipui chhung zawnga left-back lakluh a nih loh chungchangah Manchester United squad chhungrila player-ten eng nge an ngaihdan tih leh an lo dawn sawn dan chu tunah hian a rawn langchhuak ve ta chiah a ni.

United fan-te chuan squad tlarhnung venhimna kawngah left-back lakluh chu thil pawimawh hmasa berah an ngai a, club neitute pawhin he dinhmun hi an ngaihtuah fel ngei an lo beisei a ni. Mahse INEOS lam chuan an ruahmanna dang ngai pawimawh zawkin, deadline tawp lamah midfielder lakluh an hnaihpui ta zawk a, hei hian club chhung leh pawnah sawizui a hlawh chho ta hle a ni.