Manchester United academy (Carrington) aṭanga rawn chhuak rawlthar duhawm tak takte zingah JJ Gabriel chauh a ni tawh lo va; rawlthar dang Noah Ajayi pawh chu Europe khawmualpuia club dangte ngaihven berte zinga mi a rawn ni chho ve leh ta a ni. Manchester United thuneitu INEOS lam chuan an attacking starlet theihna sang tak mai hi chan an tum loh em avangin, club-a chelh ngheh tlat theih dan tur ruahmanna fel tak an siam nghal bawk a ni.

Kum 17 mi Noah Ajayi hi Carrington pipeline aṭanga rawn inzarpharh zinga theihna nei sang berte zinga mi nia chhal a ni a. He rawlthar attacking talent hian khelmualah theihna hrang hrang a nei a, tlarhma mual sir lam (out wide)-a khelh bakah, a ṭul hunah chuan tlarhma laili hmawr ber (up top)-ah pawh buaina nei miah lova chhawr theih a ni. Hetiang theihna danglam leh hmun hrang hranga khel thei a nih avang hian Europe khawmualpui huapa club dangte chuan an rawn thlithlai ṭan a, a dinhmun chu ngawrh takin an chhui zui ta hial a ni.

Old Trafford club hian tun hnaiah an academy aṭanga naupang theihna nei ṭhate chu ngai pawimawhin hma an la chho nasa hle a. Tleirawl langsar JJ Gabriel-a'n Europe huapa mi mit a lak tawh hnuah, Ajayi-a'n hetianga club liante ngaihven a hlawh zui ve leh ta mai hi Carrington youth setup theihna pholangtu a tling a ni. Mahse, Europe club dangte'n an rawlthar ṭha hi an lakchhuah mai loh nan INEOS lamin ngaihtuahna an seng a, club-a a hma hun tur duansakin chelh tlat an tum a ni.

Ajayi-a theihna hi tlarhma sir lamah chauh a tawp lo va, tlarhma lailia striker pangngai anga chhawr theih a nihna hian a man a tisang zual hle bawk. Khelmuala a chet vel dan leh attacking-a a hlauhawm theih dan avangin, ram pawn club dangte mit fukna a rawn ni chho ta reng a ni. INEOS chuan Manchester United hmakhua thlirin hetiang naupang theihna ngah tak takte humhim leh vawn len hi an ngaih pawimawh berte zinga mi a nih miau avangin, he rawlthar hi Old Trafford-ah vawng zui tura ruahmanna an duan chu an kalpui mek a ni.