Saudi Pro League club Al-Hilal tana khel mek, Ivory Coast star Mohamed Kader Meite chu Manchester United chuan an la ngaihven zui reng niin tarlan a ni. Kumin nipui transfer bazar chhung khan he player hian Europe khawmualpuia kir leh hi a chak hle a, mahse a club Al-Hilal lamin chhuah an phal loh tlat avangin a transfer hi an lo dangsak ta a ni. Chuti chung chuan Premier League club lian United hian a chanchin hi thlithlai zui zelin, nakin zela lakluh theih dan kawng an la zawng chhunzawm reng a ni.

Kumin tir lam aṭang tawh khan Manchester United hian Mohamed Kader Meite hi lakluh tumin an lo ngaihven tawh hle a. Mahse January transfer window chhung khan Saudi club Al-Hilal chuan United hi hma khalh zawk hlauhin, he player hi an lo inziahluhpui hman ta zawk a nih kha. January thlaa Al-Hilal-in an lakluh hnuah pawh hian, United transfer thuneitute chuan he rawlthar theihna hi an theihnghilh mai lo a, transfer bazar-a an lak luh tum ber zinga mi atan an la dah reng a ni.

Tun hnaiah Manchester United (Red Devils) hian squad thuam chak kawngah ruahmanna thar neiin, player la naupang tak, theihna sang tak (high ceiling) nei leh nakin zela player ropui tak la ni thei turte chu transfer bazar-a an lak luh tum ber zinga mite an ni ṭhin a. He Ivorian player Meite pawh hi chutiang player naupang theihna nei ṭha an zawn mek nena inmil thlap a ni a, United ruahmanna leh duhzawng tak a phuhruk tlat a ni.

Al-Hilal lamin kumin nipui chhung khan Meite-a transfer hi lo dangin chhuah phalsak rih lo mah se, he player hian Europe-a kir leh a la duh reng nia hriat a ni a. United lam pawhin a dinhmun hi hnai tak aṭangin an thlithlai chhunzawm zel a, transfer bazar lo awm leh turah te pawh hma lak nawn leh theihna kawng a la inhawng reng a ni. Chuvang chuan nakin zelah Meite hian Old Trafford a pan dawn em tih chu ngaihven a hlawh chho hle dawn a ni.