Everton chuan Manchester United wonderkid striker Ethan Wheatley lakluh nan £2m thehchhuah an inpeih tih hriat a ni a, he striker naupang theihna ngah tak hi Everton hian an lalut ṭep a ni.

Transfer deadline day khan Manchester United chuan an Dutch striker Joshua Zirkzee pawh Pathiannia an hmachhawn tur Everton hnenah hian loan-a kal tir an lo hnaih hle bawk. Everton hian Folarin Balogun-a medical test neihnaah harsatna an tawn tak avangin, Red Devils hnenah hian Zirkzee lakluh nan loan fee hlawk tak an chhawpchhuah sak a ni.

Transfer window khar a nih dawn khan club pahnihte inkarah hian inbiakna a kal nasa hle a. Wheatley lakluh nana £2m peka hma an lak hnuah, tlarhma thuamchhahna turin Zirkzee dawrna pawh hi an buaipui zui nghal a ni.