Nilaini zan Carabao Cup third round-ah Manchester United chuan 3-2 in Brighton an hneh lo a, inelna aṭangin an tla ta. Old Trafford club hi match ṭan aṭanga minute 10 chhungin Shea Lacey leh Mason Mount-a goal hmangin 2-0 in hma hruai hman mah se, tlarhnung lamin chet sual zui zatin Brighton an rawn kir a, goal thum ngawt khung zuiin an lehpel ta a ni.

He tlawmna hi 2026/27 season bul an ṭan chhiat tawh sa nak alaiin head coach Michael Carrick-a tana match beidawkthlak berte zinga mi a ni a. Season liam taa Grimsby Town laka second round-a an lo tlak tawh hnuah, a vawi hnih nan inelnaa an zualko hmasak berah an tla leh ta a ni.

Post-match interview-ah Carrick chuan a player-te laka mawhphurhna anilawm zawnga nem pawk duh lo mah se, Old Trafford-a pressure thleng mek chu a zep hran lo. Match ṭan tirh lama academy chhuak rawlthar Lacey-a goal khung chungchang sawiin Carrick chuan, "A tir lam khan thil a kal tluang em em a, Shea [Lacey]-a goal khung te kha an chhungkua leh academy tana thil ropui tak leh lawmna tham a ni. Mahse, hun a kal zel a, match kan thunun zui thei ta lo a ni. Hetiang dinhmun ṭha aṭanga khatianga tlawm zui tak mai kha chu a beidawkthlak takzet a, mawhphurhna pawh ka chungah a awm a, hei ai hian kan ṭha tur a ni," tiin a sawi.

United hian tun hnai kar tlemte chhungin Everton laka late goal an chhuah bakah Manchester City nena an inkhelh ṭum te khan buaina leh harsatna tenau an lo tawk chho tawh a ni. Carrick chuan heng harsatna lo pungkhawm hian pressure a siam belh tak zet tih tarlangin, Pathiannia Fulham an hmachhawn hunah an zia an siamṭhat ngei a ngai tih a sawi zawm a.

"Thil thleng tawh hi kan thlak thei lova, a thleng zo tawh a ni. Team angin kan inzir chhunzawm zel a ngai a, dinhmun hrang hrang hmachhawn thiam kan zir a ngai a ni. Zanin chu kan tan a harsa em em a, kawngka kan hmu zo lo a ni. Mahse, staff-te nen player-te puih leh kaihhruai hi kan mawhphurhna a ni. Zanin hi a beidawkthlak hle tih kan hre vek a, Pathiannia Fulham nena kan inkhelh hunah chhanna kan hmuh ngei a ngai a ni," tiin Carrick chuan a sawi bawk.

Season ṭan a nih aṭangin United hian match 6 an khelh tawhah vawi hnih chiah hnehna an la chan avangin, match zawha director of football Jason Wilcox-a hmela a beidawnna leh a pawi tihna lang phei chu a hmuhnawm loh hle. Fulham laka an chak loh leh ngat phei chuan, international break thleng tur hi Carrick leh United-a mi zawng zawng tan chuan hun hrehawm tak leh thui tak a tling tawh dawn a ni.