Manchester United chuan tun season-a an chet fuh tawk lohna siamṭha tura an chak ngei ngei ngaihna match-ah, vawiin hian Premier League inkhel pawimawh khel turin Leeds United mual an tlawh dawn ta a ni.

Head coach Michael Carrick chuan a ngheta mawhphurhna a lak aṭanga thla thum chauh la liam mah se pressure sang tak a hmachhawn ṭan tawh a. Chumi rualin squad chhungah hliam buaina neuh neuh an tawh chhunzawm zel avangin a player-te theihna zawng zawng pho chhuah tir tura a beihna kawngah harsatna a la tawk reng a ni.

Leeds muala inlan tur Manchester United starting line-up chu hetiang hian a ni:

Tlar hnung lamah chuan Leny Yoro chu right-back position-ah a khel chhunzawm leh dawn a, hliam vanga chawl mek Luke Shaw-a hmunruak luah turin Diogo Dalot chu veilam (left-back)-ah sawn phei a ni thung. Central defence-ah Harry Maguire chu Lisandro Martinez nena tlarhnung laili venghim turin a rawn kir leh bawk a ni.

Matthijs de Ligt pawh inkhelh chhungin minute tlem a chang thei tura ngaih a nih laiin, zin chhuak lo tura ngaih hman Noussair Mazraoui pawh squad-ah a rawn inlan leh hlauh bawk. Patrick Dorgu erawh a malpui (hamstring) hliam avangin a inlan thei dawn lo thung.

Midfield lailiah chuan Carlos Baleba chuan a hmun a chang zui zel a, Youri Tielemans nen an inkawp dawn a ni. Thawhlehnia Atletico Madrid an hmachhawn ṭuma che ṭha em em Andrey Santos erawh bench lamah a dah thung. Midfielder pawimawh Kobbie Mainoo chu squad-ah hian a zin chhuak ve lo a, Manuel Ugarte erawh hun rei tak chawl turin hliam a nei mek bawk a ni.

Tlar hma lamah chuan an captain Bruno Fernandes chu a khelhna pangngai number 10 role-ah a rawn kir leh a, tlarhma laili berah Bryan Mbeumo chuan a dinhmun a chelh zui bawk. An bul sir tuakah chuan veilamah Matheus Cunha leh dinglamah Amad te chhawr an ni dawn a, Marcus Rashford erawh bench aṭanga bul ṭan tura dah a ni thung.

United hian Carrick-a hnuaiah season bul ṭan fuh tawk lo mah se, he match aṭang hian chakna chang a, boruak thar siam an tum ruh hle a ni.