Manchester United hian khawvel hmun hrang hrang aṭangin player tam tak an lo kawl tawh ṭhin a. North America ram lamah fan-te leh support-tu tam tak an nei chungin, he khawmualpui aṭanga player lakluh leh chhawr hi an ti vak lo thung.
Fiahna atan, he chanchinah hian North America tia kan sawi hi Canada, United States leh Mexico ramte an ni. Chu hlei bawkah, Owen Hargreaves leh Jimmy Nicholl te hi Canada rama piang ni mah se, ram aiawh (international level)-ah England leh Northern Ireland tan an khelh avangin he list-ah hian telhtir an ni lo a ni.
1. Javier 'Chicharito' Hernandez (Mexico):
Mexico mualpho lohna leh a ram tana goal khung hnem ber (all-time top scorer) Javier Hernandez 'Chicharito' hi a ram tan goal 52 ngawt a khung a ni. Kum 2010 khan Manchester United hi a zawm a, Premier League title vawi hnih a la hman a ni. Red Devils tan hian late goal pawimawh tak tak khung ṭhin 'super-sub' tiin a hming a chher zui hle a ni. Chicharito hian kum 2015 khan Old Trafford chhuahsanin German club Bayer Leverkusen a pan ta a ni.
2. Tim Howard (USA):
America rama piang goalkeeper Tim Howard pawh hi kum 2003 khan United hian an lalut a. Old Trafford-ah hian a theihna sang tak phochhuak ṭhin mah se, first-team-ah a hmun a luah nghet thei tak tak lo a ni. Kum 2005-a Edwin van der Sar-a'n club a rawn zawm takah phei chuan United-a a hmabak a tawp ta a ni. Chuti chung chuan Everton panin Premier League-ah career ropui tak a nei zui a, match 414 ngawt inlanin goal khat lehpek a khung hial a ni.
3. James Brown (USA):
Scotland rama piang James Brown hian USA national team tan vawi 4 a khel a. Kum 1930-a World Cup hmasaberah, a hnua champion ta Uruguay lakah goal a khung hial a ni. Brown hi kum 1930 leh 1932 inkar khan United tan a lo khel tawh a ni.
4. Jonathan Spector (USA):
United academy aṭanga rawn inzir chhuak defender pawh an lo kawl tawh a, mahse club-in hlawhtlinna lian tak tak an hmachhawn chhoh lai a nih avangin first-team-ah inlanna hunṭha a hmu tam thei lo a ni. Mahse England-ah career ṭha tak hmang chhunzawmin, West Ham tan season 5 leh Birmingham City tan season 6 ngawt a khel chhunzawm ta a ni.
5. Ed McIlvenny (USA):
Scotland-a piang thov Ed McIlvenny pawh kum 1950 leh 1953 inkar khan United tan vawi hnih chiah inlan mah se, English football chanchinah hriatreng tling thil a lo ti tawh a ni. Kum 1950 World Cup-a USA team-in beisei loh taka England 1-0 a an sawp ṭum khan USA team captain niin a lo hruai a ni.
