Manchester United academy rawlthar, kum 15 mi JJ Gabriel-a chungchangah European club lian Bayern Munich chuan ngaihvenna an nei a ni tih an nemnghet ta. Bayern Munich sporting director chuan Manchester United wonderkid nena an insawizawmna chungchang hi a vawikhat nan tlang takin a sawichhuak a ni.

"Player hi kan hria a ni..." tiin Bayern Munich hotu chuan a sawi a, he rawlthar theihna ngah tak hian Europe continent-a club lian hrang hrangte mit a la chho hle tih a tarlang. Kum 15 mi Gabriel hi tun dinhmunah Europe football-a rawlthar theihna ngah ber leh beiseina sang berte zinga mi ti a chhal a ni a, Carrington academy aṭanga rawn inkhawh chho mek niin first-team squad lam thlengin a rawn inzar pharh tawh a ni.

Bayern Munich chauh hi Gabriel-a lakluh tum a inhuam an ni lo. Report hrang hrang tarlan danin, Spanish club lian Real Madrid pawhin he English rawlthar hi lakluh theih dan kawng an zawng hnai em em a, thla engemaw zat chhung chu an lo umzui (work on a deal) tawh niin a lang bawk. European heavyweight team pahnih Bayern Munich leh Real Madrid te'n rawlthar pakhat an inchuh dawn ta meuh mai a, hei hian Manchester United training base Carrington lamah lungawilohna leh thlaphang boruak a thlen hle a ni.

Manchester United tan chuan Gabriel hi nakin zela first-team hmakhua tana player pawimawh tak a ni a. Director of football Jason Wilcox leh United academy hotute chuan Old Trafford-a awm chhunzawm zel turin an lo thlem tawh bawk. Mahse, Bayern Munich leh Real Madrid te angin inelna lian zawka nomawi chawi thei tura chhawmdawl duhtu club lian ten an rawn dawr a nih chuan, United tan an rawlthar thiam tak hi vawnhim chu thil awlsam a ni dawn lo a ni.

Old Trafford club hian Gabriel-a hmunruak luah theitu tur dang zawn nan hma an la ṭan ta deuh tih thawm te pawh a awm chho mek a. Mahse Gabriel-a theihna leh a khelh dan phung hrim hrim hi mi dangin an tluk mai theih loh avangin, United chuan an academy chhuak zinga ropui ber pakhat ni thei tur hi chhuahtir mai an tum rih lo a ni.

Europe khawmualpui club lianten Manchester United youth prospect an rawn ngaihven ta riap riap hi thil thleng fo a ni lo a. Gabriel-a chungchangah hian inbiakna leh umzuina pawh tun kar chhung hian a kal zui zel beisei a ni a, kumin transfer bazar thlengin a hmabak chungchang hi sawi a hlawh chho hle dawn a ni.