Manchester United academy player rawlthar kum 16 mi JJ Gabriel-a'n kum khata hlawh pound maktaduai tam tak phut chhuaka a duh sang em avangin, amah lakluh tumtu Bayern Munich nen an inbiakna a khaihlak phah a, United-a a hmabak tur pawh a la chiang lo hle tih report-te chuan an tarlang.

Sky Sport-in an tarlan danin, Bayern Munich hotute leh Gabriel-a aiawhtute hi an lo inbe tawh a, mahse The Times-in a tarlan danin he rawlthar lamin kum khata hlawh leh signing fee atana sum tam tak (seven-figure salary) an phut avangin German club lian hi an tim deuh a ni. Gabriel-a hian United-ah hian professional contract a la ziak lo a, chuvang chuan club dang zawm ta se inzirna/enkawlna man (training compensation fee) pek a ngai dawn bawk a ni.

Old Trafford-a rawlthar hi chhuak tura a inbuatsaih mek laiin, United thuneitu INEOS lamin rawlthar theihna ngah tak hi hum zui an la tum fan a. Club dang ten dante bawhchhiaa an lo beruh (tap up) a nih chuan, dan anga hma lak (legal action) hial pawh United hian an rilruk mek a ni.

Gabriel-a'n United chhuahsan a duh chhan hi first-team-a inlan a duh chak luattu vang a ni a. Sabah nena Champions League inkhelah leh Brighton & Hove Albion nena Carabao Cup inkhelah minute 20 vel lek pawh inlantir a nih tak loh avangin a lungawi lo hle a ni. Head coach Michael Carrick-a'n Brighton lakah khan first-team debut tir minute siamsak a lo tum tawh a, mahse Gabriel-a hian training-na hmun a chhuahsan hlen tak avangin he ruahmanna hi ṭhulh a ni ta zawk a ni.

Bayern-in an duh ang chiah sum pek tura inremna an siampui thei lo a nih chuan, Real Madrid leh Paris Saint-Germain te pawh he rawlthar hi lakluh tumin an rawn inrawlh leh thei bawk. Barcelona pawhin a tirah an lo ngaihven tawh a, mahse an inhnukdawk ta a, Gabriel-a hian Chelsea dawrna pawh a lo hnawlsak tawh bawk a ni. Tunah chuan Bayern hian a sum phut zat hi an pawm dawn nge dawn lo tih leh, United-in he talent ropui tak hi an hum zui thei dawn em tih chu zawhna lian tak a la tling reng a ni.