Tun season 2026-27 Premier League-ah Manchester United chuan duhthusam result an nei hlei thei lo a, league table-ah 13-na dinhmun luah mekin, Pathianni tlaiah Old Trafford-ah mi 10-a khel Manchester City lakah 1-0 in an tlawm bawk a nih kha. Chutiang boruak karah pawh, an midfielder kum 21 mi Kobbie Mainoo chuan Michael Carrick-a hnuaiah theihna a la phochhuak ṭha hle a, tlar lailiah team tan player tangkai ber zinga mi a nih chhunzawm zel a ni.

Stockport khuaa piang Mainoo hian tun season Premier League match li an khelh tawh zingah pathumah bul a ṭan a. Tun thla tir lama Hill Dickinson Stadium-a Everton nen 2-2 a an inhnehtawk ṭum khan assist pakhat a lo nei tawh bawk a ni. FotMob data tarlan danin, khingpuite tlar hnung tlang tlang thei pass ṭha pet chhuak kawngah Mainoo hi United squad chhungah a che ṭha pawl a ni a, minute 90 chhung zela chhutin hetiang pass (line-breaking passes) 17.9 nei zelin, club chhunga pathumna a ni mek a ni. United tan match li a inlan tawhah hetiang pass hi vawi 55 lai a pet chhuak hman tawh a ni.

He statistics-ah hian Mainoo hian tlar hnung ban pawimawh Lisandro Martinez pawh a khum a ni. Kum 2022 World Cup champion lai, kum 28 mi Argentine centre-back Martinez hi tlar hnung aṭanga pass vawrh chhuak thiam leh khingpuite line tlang thei pass pet kawngah hmingthang tak a ni a, mahse tun season-ah chuan panga-na dinhmunah a awm thung. Match li khelh tawh zinga pathuma inlan tawh Martinez hian line-breaking pass 49 a nei a, minute 90 zela chhutin 16.3 a nei a ni.

Mainoo leh Martinez-a te inkar, palina dinhmunah hian captain hlui Harry Maguire a awm thung. Kum 33 mi England international hian inelnaa a vaiin line-break pass vawi 67 lai pet chhuak tawhin, minute 90 zelah 16.8 ratio a nei a ni.

Maguire, Mainoo leh Martinez-a te aia sang zawk, pahnihna dinhmun luah tu chu Noussair Mazraoui a ni. Kum 28 mi Morocco international full-back hian minute 90 zelah line-breaking pass 18.4 zet nei mah se, Mazraoui-a data hi a vaia a pass neih zat vawi 20 chauh aṭanga chhut a ni thung.

Manchester United squad pumpuia hetiang pass pet chhuak hnem ber erawh an player lak thar Youri Tielemans a ni thung. Nipui transfer-a Aston Villa aṭanga an lak thar Belgian midfielder hian Red Devils player dang zawng a khum vek a, line-breaking pass vawi 72 lai pet chhuak tawhin, minute 90 zelah 20.6 nei ang hial a ni. Carrick-a naute hi season ṭan tirhah boruak rit hmachhawn mah se, midfield lailia Tielemans leh Mainoo te khelh dan hian hmabakah beiseina ṭha a pe a ni.