Player 10 chauh nei Tottenham Hotspur laka point hnih an chan hnuah, Manchester United head coach Michael Carrick chu pressure hnuaiah a awm mek.

Carrick-a naute hian Spanish khawpui panin zin an hmachhawn dawn a, Champions League inelna lianah Atletico Madrid an hmachhawn dawn a ni. Hetianga boruak a hang chhoh mek lai hian, nipui bazar chhunga inhrut pen zawk United recruitment team chuan an hmachhawn tur club-a winger khel mek chu an mit an fuktir nia tarlan a ni.

TEAMtalk tarlan danin, Atletico Madrid winger Giuliano Simeone chu World Cup-a a chet ṭhat em avangin Premier League club hrang hrangten an ngaihven mek a ni. Kum 23 mi Argentina international, mual dinglama khel ṭhin hi a pa Diego Simeone ang bawka intensity sang leh thawkrim em em a nih avangin fakna a hlawh hle. Tharum leh intah hriam zawng chauh ni lovin, ball khawih pawh a thiam hle a, tun season La Liga-ah match riat a khelhah goal li-ah pawh a inrawlh tawh a ni.

Tottenham Hotspur chuan he Atletico star lakluh theih dan hi an lo chhuichhuak tawh a, an manager Roberto De Zerbi chuan English football mamawh leh a ruahmanna (system) nen a inmet em em turah a ngai a ni. Spurs chauh hi Simeone-a theihna ngaihsang an ni lo, kumin nipui chhung khan Manchester United leh Manchester City te pawhin Simeone-a chungchang hi an lo zawt fiah tawh bawk a ni.

Carrick-a hnuaia United chet phak tak leh zawi tak thlir phei chuan, Simeone anga player chak leh phur tak hi United tan chuan boruak thar thlentur zinga mi a ni thei ang.

Mahse Atletico Madrid lam hian Simeone hi chhuahtir an hreh hle a, he rawlthar hian a pa enkawlna hnuaiah Madrid-a football khelh chu nuam a ti em em bawk. A mimal leh a professional inlaichinna hi a pawimawh hle a, amah berin chhuah a duh loh avangin England rama insawn chu thil awlsam tak a ni dawn lo a ni.

Chuti chung chuan, Tottenham-in lakluh dan kawng an melh bakah Manchester club pahnihten an lo ngaihven tawh avangin, he forward hmakhua hian ngaihven a hlawh chho ta hle a ni.