Manchester United captain Bruno Fernandes chuan team-in Roma 3-2 a an hneh hnuah head coach Michael Carrick-a hna humhim sak tura khel an nih loh thu a sawi chhuak.

United hian inelna hrang hrangah beisei an phak loh avangin head coach Michael Carrick-a hmabak leh hna hi a derthawng hle nia sawi a ni a. Roma nena an inkhelhah pawh hian mualneitu lam United hi an tlawm a nih chuan Carrick-a hian a hna a chan mai rin a lo ni tawh a ni. Mahse, siphurh zawk aṭanga rawn inlehhluaiin 3-2 in hnehna an chang ta hlauh a ni.

Match zawha a ṭawngchhuahnaah Portugal international Fernandes chuan, "Coach-a hna humhim nan kan khel tiin ka sawi dawn lo. Thil thleng thei leh thleng lo tur chungchang hi ka ngaihtuah ber a ni lo va, khelmualah hnehna chan a, fan-te tihlim zawnga khelh hi kan thiltum ber a ni," tiin a sawi.

Fernandes chuan sawi chhunzawmin, manager thlawp chu player-te mawhphurhna a nih thu leh Carrick-a hnuaiah team an inpumkhat hle tih a tarlang a. "Manager tana theihna zawng zawng thehchhuah hi kan tih tur a ni a, khelmualah minute 90 chhung zawng team tan thawhrual a ngai a ni," tiin a sawi bawk.