April 2007-a Roma 7-1 ngawta an sawp ṭum kha Michael Carrick chuan tun kar khan "zan duhawm bik" (magical night) tiin a lo sawi tawh a. Kha Champions League match thawnawm takah khan ani hi hmun pawimawh luhtu a ni. Kha kha zan duhawm ni mah se, tun ṭum Old Trafford-a inkhel erawh zan ropui leh buai nuai a ni thung.

Khelmual pawn lamah phurna leh lungawilohna a chhuak a, khelmual chhungah tactical tihsualna, penalty vawi hnih petna, fan-te beisei phurna leh inawmchhauna, bakah Old Trafford chanchina inlethlan ropui tak tanchhuahna a thleng a ni. Old Trafford stadium-a inelna ropui berte zinga mi tiin sawi zui a hlawh hle.

Carrick-a'n 2006/07 season-a Champions League quarter-final bawk an sawi chhuah ṭum khan hlim hmel a tilang a. Mahse, tualchhung boruak rit tak avangin a manager hna hi a him rei a rinawm loh hle a ni. Half-time a nih meuh chuan mi tam tak tan an manager hi banteh tura ngaih a ni hial tawh zawk a ni.

Mahse tum lawk loh tak maiin United chuan inlethlan ropui an rawn thlen ta hlauh mai. Player phur em em Matheus Cunha-a thawhhlawkna zarah, hmun hniam ber aṭanga rawn inthawhharhin, ni 54 chhung a vawikhat nan football match-ah hnehna an chang ta a, hei hian Carrick-a tan pawh thawvenna a rawn thlen hle a ni.

Match inṭan hmain fan-te chuan Glazer chhungkua an dodalna lantir nan green leh gold balloons tam tak an chhuah a, hei hi kum 17 liam taa an lo ṭan tawh dodalna rual bawk kha a ni. Inkhel minute 20 leh second 5-na a tlinin tennis ball te chu khelmual chhungah an rawn vawrh lut a, hei hi kum 2005-a Glazer chhungkuain club an lak kum bawk kha a ni. Mahse, tennis ball a rawn tlak meuh chuan United hi 2-0 ngawtin an lo hnufual tawh a ni.

Carrick-a'n tlarhnung siamrem dan taktik danglam tak hmangin Diogo Dalot chu left-winger angin a chhawr a, hei hian United chu left-back pangngai awm lovin a chhuah ta a ni. Roma hian minute 17 chhungin he mual sir aṭang hian goal hnih an khung nghal a. Kobbie Mainoo ball chan a hloh hnuah Dalot a awmna lo hlathau avangin Matias Soule chuan awlsam takin Senne Lammens-a lama goal hmasa ber a khung a. Hemi hnu rei loteah Dalot-a'n Soule a um zui a, Ayden Heaven-a ball kut hmanga a lo dan avangin penalty an pe a, Donyell Malen chuan goal hnihna a khung zui ta a ni.

Fernandes-a nungchang avanga fan-ten an vuina karah, half-time inṭan dawn ṭepah Mainoo-a ball chhuih chu Devis Vasquez-a'n a lo dangsak a. Second half ṭan rualin £70million senga an lakluh Carlos Baleba chuan goal a pan a, mahse a malpui (hamstring) a hliam hlauh avangin na ti leh beidawng takin mualah a tlu a, lakchhuah a ngai ta a ni.

He vanduaina hian match boruak a ti-phur zui hle. Cunha chuan fan-te au thum zawk tura ngenin a au va, Fernandes-a'n penalty pet chhuah a hmuh hnuah Roma player-te an inrawlh tlai avangin pet nawnna an nei a, Fernandes chuan chiang takin a pet lut ta a. Hemi hnu lawkah Bryan Mbeumo-a ball pet chu goal ban pahnihah a per zui bawk.

Minute 83-naah Shea Lacey-a cross aṭangin Cunha chuan an siphurh a rawn sut a, minute 86-naah Cunha vek chuan pet kawh tak maia goal hlu tak khungin chakna goal a siam ta a ni.

Match tawp dawn lamah Cunha hi red card hmanga hnawhchhuah a ni a, mahse final whistle a rik rualin club badge tuai chungin mualah a rawn lang leh a. Carrick chuan hma takin mual chhuahsan turin a hrilh nghal a, hei hian an manager inbengdaih zia leh thil a thlir thiam zia a tilang hle. Second half chhung zawng khan Carrick hian goal an khung pawhin au vak lovin inbengdai takin a awm a, match zawhah Steve Holland nen tactical chungchang ngun takin an sawi dun a ni.