Serie A club lian Inter Milan chuan an player pawimawh leh talisman Federico Dimarco chu contract thar ziahpui tumin ṭan la mah se, inremna siampui harsa an ti hle a. He dinhmun remchang chuh hian Premier League club lian Manchester United chuan Dimarco hi lakluh tumin an chang ran nia tarlan a ni.

Manchester United hian San Siro lama Dimarco-a dinhmun leh a boruak tawn mek hi uluk takin an thlithlai zui reng a, he Italian defender chungchangah hian thuthang leh hriat theih thil ngaihnawm tak tak a rawn chhuak chho mek bawk a ni. Inter lamin an defender rintlak hi chelh zui ngei tumin theih tawp chhuah mah se, contract chungchangah harsatna an tawh chhunzawm zel avangin Old Trafford club tan hian biakrawn theihna kawng a inhawng thei dawn niin a lang.

Manchester United tana kum 2027 chhunga an ruahmanna lian ber leh an agenda hmasa ber tur chu full-back position thuamṭhat leh siamphuisui a ni a. Tun dinhmuna United full-back neih mekte hi beisei aia an hnuai zawk bakah, club lian tana hmun pawimawh luah tur hian an la tling tawk lo nia hriat a ni.

United squad chhungah hian full-back position-ah theihna tak tak (genuine quality) leh khelh chhung thluak hman thiamna (game intelligence) a la tlem em em a. Heng an tlin lohna leh tlakhniamna hian khelmualah nghawng chhia a nei fo bawk a ni. Ball an neih loh lai (out of possession) a mual vawn dante, tlarhnung aṭanga tlarhma lama ball nawr phei dan (build-up play) te, leh tlarhma tan chance ṭha siamsak (chance creation) lamah te full-back te theihna a tlemzia chu inkhelh apiangin a lang chhuak fo ṭhin.

Hetiang a nih avang hian, Serie A lama mual sira che ṭha leh theihna sang tak pholang tawhtu Dimarco ang player rintlak lakluh hi United tan chuan tlarhnung chauh ni lo, team pumpui khelh dan phung thlak danglam theitu tur a ni a. Inter Milan lamin an talisman hi contract thar an ziahpui hleih theih loh chhung chuan, United hian a remchan veleh lakluh tumin hma an la zui zel dawn niin a lang a ni.