Cardiff-a Principality Stadium chu Anthony Joshua leh Tyson Fury-te inhmachhawnna hmun atan thlan a nih tak avangin, Manchester United chuan Old Trafford-ah he inbeihna lian hi thleng lovin sum £40million lai an hmuh theihna hunṭha an bawhpelh ta niin tarlan a ni. British heavyweight boxer ropui pahnihte hi kumin December ni 11 hian Wales khawpui Cardiff-ah an innuai dawn a ni.

A tirah chuan heng mi pahnihte hi November ni 20 hian New York khawpuia Madison Square Garden-ah an inbeih beisei a lo ni tawh a. Mahse Joshua-a inremna thuthlungah chuan he inbeihna hi UK chhung ngeia neih tur tih ziah a nih tlat avangin, Joshua hian chu inremna chu zawm ngei a phut tlat a ni.

He inbeihna ropui thleng thei tur hian United mual Old Trafford, Wembley Stadium leh Tottenham Hotspur Stadium-te aiawhte chu endik an nih hnuah, Cardiff-a Principality Stadium chu thlan fel a ni ta a. Mipui 80,000 lenna he stadium hian ruahsur laia khuh theihna chungzar (retractable roof) a neih ṭhat avangin duhthlan berah a tang ta a ni.

Sports finance expert Professor Rob Wilson chuan Betano Online Casino kawmin he thil thleng avanga Manchester United sum hloh zat tur hi a chhut a ni.

Wilson chuan, "Anthony Joshua leh Tyson Fury inbeihna thlen theih loh hi stadium hawh man (rental fee) chauh a ni lo a. Thil dang tam tak hlawkna a keng tel a ni. Stadium hawh man bakah khualchhawnna (hospitality), ei leh in, sponsorship activations leh sumdawnna kawng hrang hrang hetiang inelna lianten an rawn hawnte a tel vek a ni," a ti.

Wilson chuan sawi chhunzawmin, "Khelmual pawna sum chevel leh khawtlang sumdawnna (economic impact) a nghawng dan hi a lian lehzual a, a bik takin ram dang aṭanga mikhual rawn lut leh sum thar rawn luhpui tur inelna lianah phei chuan a pawimawh em em a ni. Wembley Stadium nen tehkhin ila, boxing match atan mi 85,000 aṭanga 90,000 thleng an leng a, Cardiff-a mi 60,000 vel nen chuan a inthlau hle. Tottenham Hotspur Stadium leh Old Trafford te pawh hi mihring len zawng thu-ah Cardiff mual nen hian an inhnaih tawk thawkhat a ni.

"Old Trafford, Tottenham Hotspur leh Wembley Stadium-te hian stadium chhung thil aṭang ringawt pawhin £10 million hnaih lam sum an chan ngei dawn tih a hriat theih a, chu bakah a thlengtu khawpui chhunga sum chevel tur zawng zawngte a la awm cheu bawk a ni," tiin a sawi.

Wilson chuan Cardiff-a thil thleng tawh te sawi chhuakin, "WWE event Clash At The Castle khan Welsh sum leh paiah £22 million vel a rawn belhchhah a, mi 62,000 vel an pungkhawm a nih kha. Chu chhut dan chiah chu a dik em tih hre chiah lo mah ila, tehkhawng atan chuan a ṭha tawk hle. Joshua leh Fury inbeihna phei hi chu a aia lian fe tur a ni a, stadium chhunga leng aia tam Cardiff-ah rawn kal an duh dawn a, hotel mamawhna pawh a sang hle dawn a ni.

"A hmun ngeia kal tur leh khawpui tlawh tur tam zawk hian thlenna an mamawh dawn a, chu chuan ram dang aṭanga zin mite sum tam tak Cardiff-ah a rawn luhpui dawn a ni. UK chhung aṭang pawhin rawn kal an awm ṭhual dawn bawk a.

"Joshua leh Fury inbeihna hian Cardiff khawpui tana sum chevel piah lamah £25 aṭanga £30 million chuang a rawn thlen theih a rinawm a, chu chu London leh Manchester ten an chan tak a ni tih kan sawi thei ang," tiin Professor Wilson chuan a sawi bawk a ni.