Manchester United chuan an academy attacker theihna nei ṭha Noah Ajayi chu a professional contract hmasaber ziahpui turin mimal inremna (personal terms) an neihpui ta a, he rawlthar kum 17 mi hian contract hi a ziak thuai dawn nia hriat a ni.

The Peoples Person-in a tarlan danin, Ajayi leh a aiawhtute chuan Old Trafford club-ah hian professional contract ziah tur chungchangah inremna an nei tawh a. Thudawnna chuan contract hi a nghetin an la ziak fel chiah lo na a, reilotê hnuah he kum 17 mi hian hming a ziah thuai beisei a ni. Ajayi hian professional contract a la ziah loh lai hian German Bundesliga club ṭhenkhatin a dinhmun an lo thlithlai reng a, chuvang chuan hetianga inremna an nei thei hi player theihna nei ṭha chan loh tum United tan chuan chanchin lawmawm tak a ni.

INEOS lam chuan he left-winger hi chelh ngei tumin hma an lo la tawh a. United hian tun season chhunga Michael Carrick-a enkawl first-team nena training neih dun theihna hun ṭha pek an tiam avangin Ajayi hi an thlem thlu thei ta niin tarlan a ni. A khelhna position-ah hian inelna a sang hle dawn tih hre mah se, senior team nena training theihna hun a neih tur hi a thlang ta zawk a ni.

Season liam ta aṭang tawh khan Carrick-a mit la tu Ajayi hi pre-season squad-ah pawh telh tura beisei a lo ni tawh ṭhin a, mahse a inhliam tak hlauh avangin a inlan thei ta lo a ni. Tunah erawh khelmualah a kir leh tawh a, tun season chhung pawhin goal khat a khung ve leh tawh bawk. Ani hi mual veilamah khel thei a nih bakah tlarhma laili (through the middle)-ah pawh chhawr theih a ni.

Marcus Rashford-a hmabak a la chian loh bakah, tlarhmaa khel Patrick Dorgu leh Matheus Cunha te an chet ṭhat theih meuh loh avangin, Ajayi tan hian first team lama inhlangkai a, hunṭha inchuh theihna kawng a inhawng thei dawn a ni.

Bundesliga club hrang hrangin ngawrh taka an lo enthla reng chungin, United-in he rawlthar hi an inrempui thei ta hi Carrington academy tana hlawhtlinna pawimawh tak a tling a. Hei hi United academy naupang dang langsar tak, chhuah nghal duhna tarlangtu JJ Gabriel-a chungchanga boruak rit tak karah a thleng a ni. JJ Gabriel hi Real Madrid leh Barcelona ten an inchuh mek a, a chhuak a nih pawhin compensation tlem te chauh United hian an hmuh a rinawm bawk.

Gabriel-a chhuah theihna boruak a len em em laia Ajayi an chelh thei tur hi INEOS tan thil lawmawm tak a ni. Tlarhma player tam tak awmna karah hmun a chang zo dawn em tih la chiang chiah lo mah se, Carrick-a hnuaia first team training-ah hun a hman tam theih chuan a theihna phochhuah nan hunṭha a ni ngei dawn a ni.