Manchester United defender Harry Maguire-a'n England national team-a a kir leh theih dan tur dinhmun leh a hmakhua chu Three Lions manager Thomas Tuchel chuan a chhut zui ta a ni.

English defender Maguire hi season liam ta chhawhnu lamah Red Devils tan a che ṭha hle a, a theihna phochhuakin inelna hrang hrangah a inlan ṭha hle. Chuti chung chuan, kumin 2026 FIFA World Cup-a khel tur England squad-ah German manager Thomas Tuchel-a hian a lo ko tel lo tawh a nih kha.

Manager Tuchel-a'n ṭawngkam a neih thar bera a tarlan danin, Maguire-a chet dan leh a chet velna hrang hrangte chuan ram tana a inlan lehna tur kawngah a hmakhua a tiheh thei a, harsatna a siam belh thei niin a sawi a ni.

Hetiang bawk hian German boss Tuchel chuan United centre-back hi thlauhthla zui ringawt lovin, England squad-a a rawn kir lehna kawngka hi a la khar hmak loh thu a tarlang a. Maguire-a hian khelmual chhunga a theihna phochhuah chhunzawm zelin, chet ṭhat a chhunzawm zel a nih chuan nakin zela national team-a koh leh a nih theihna kawng a la inhawng reng tih a hriat theih a ni.