Pathiannia Aston Villa nena Premier League-a an inhmachhawn tur hi, November international break hnua Manchester United head coach Michael Carrick-a'n a hna a chelh chhunzawm zel dawn leh dawn loh hriltu pawimawh tak a ni dawn.

INEOS chuan team boruak tiziaawm tur leh dinhmun siamṭha turin Carrick hi match thum chhung hun an lo pe tawh a. Mahse Chelsea nena an inkhelh ṭum khan first half minute 45 chhung bul ṭha tak tan mah se, second half-ah an che chhia a, tlawmna an tawk zui ta a ni.

Hemi hnu hian AS Roma an hmachhawn leha a tlawm zawk dinhmun aṭanga rawn kir leha hnehna ropui tak an chan tak avangin, manager chunga pressure thleng mek chu a ziaawm phah deuh a ni.

Hetiang hian Roma lakah hnehna chang mah se, United neitu INEOS hian dugout-a manager thlak a nih theih dan tur ruahmanna an la kalpui chhunzawm zel a. Managerial candidate hrang hrangte awm zingah Cesc Fabregas chu an target lian ber atan an dah a, intermediaries hmangin inbiakna pawh an lo siam ṭan tawh a ni.