Inrinni khan Manchester United player loan-a chhuak pathum te chu an club hrang hrang tan inelnaah an inlan a. Chung zingah chuan FC Lausanne-Sport-a loan-a awm Mali rawlthar Sekou Kone-a chet dan chu a langsar ber pawl a ni. Grasshoppers nen 1-1 a an inhnehtawk ṭum khan Kone hi minute 24 hnuhnungah bench aṭangin mualah a rawn lut a, stats mawi tak phochhuakin a theihna sang tak a pholang a ni.
Kum 19 mi Malian midfielder Sekou Kone hi season liam ta nen a tehkhin chuan tun season-ah FC Lausanne-Sport tan minute khelh a hmu hnem zawk hle a. Tun season tir lam khan a senior career-a a goal hmasaber pawh a lo khung nghe nghe a ni. Mahse, September thlaa Lugano an hmachhawn ṭuma red card tlang a hmuh avangin a chet ṭhat chhoh lai takin chawlh lailawk a ngai a, a momentum a hloh phah deuh a ni. Hemi hnu hian hliam tenau te pawh neiin, kar liam ta khan FC Thun nen 4-5 a goals an in-en-chhiat ṭum khan minute 10 chhung mualah rawn inlanin a rawn kir leh ṭan a ni.
Grasshoppers laka a inlan hnihnaah hian Kone chuan a impact a tilang chiang hle. Minute 24 chhung a khelhah key pass vawi pahnih a siam a, cross a rawt pahnih (100%) te chu a hlawhtling vek bawk. Midfielder rawlthar thahrui nei ṭha tak hi ball khawih lehah a inrin tawk hle a, a long ball thawn zawng zawng (100%) a thleng dik vek a, pass pangngai a neihah pawh 83% zeta thleng dik a nei a ni.
Tlarhma lam nawrnaah pawh a inrawlh ṭha hle a, goal zawnah vawihnih shot neiin dribble vawihnih a tum zinga pakhat a hlawhtling bawk. Ground duel thumah vawihnih a chuh hlawhtling a, tackle vawikhat a tum chu lo hlah deuh mah se, boruak ball tauh (aerial battle) erawh a nei lo thung. Pathiannia Vaduz an hmachhawn hunah starting lineup-ah a kir leh ngei a beiseiawm hle.
Kone-a bakah hian United player dang te pawhin FA Cup first round inkhelhah hlawhtlinna an lo chang ve bawk. Luton Town-a loan-a awm Dan Gore chu first team starting lineup-ah a rawn kir a, Forest Green 2-0 a an hneh ṭum khan a che ṭha hle. Minute 36-naah free-kick aṭangin goal a khung teuh hle a, a pet kawh tak chu mikhual keeper-in harsa takin bar chungah a lo mehsak a ni. Match chhungin tlarhma lamah ball a chhuhsak hnuah mawi takin Jordan Clark a siamsak (assist) a, Luton-in 2-0 a hma an hruai lehnaza goal pawimawh a siamsak ta a ni.
Heng bakah hian United rawlthar dang loan-a chhuak pawhin FA Cup first round inkhelah hma a sawn zui zel a, khualmualah Bromley 2-0 a an hnehna kawngah thawhhlawk takin an club a pui bawk a ni. United loanee-te chet ṭhat hi Old Trafford lampang hotute tan pawh thil lawmawm tak a ni a, he rawlthar te talent hi nakin zela first team thuam chak nan a taka inzir chhuahna ruahmanna ṭha tak a tling a ni.
