Aston Villa an hmachhawn turah Manchester United chuan tlar hnung ban pawimawh Harry Maguire a inlan thei dawn em tih a chian loh bakah, Lisandro Martinez a hrem (suspended) mek avangin defender naupang Leny Yoro chu laili (centre-back)-ah sawn luh an rilruk mek.

Manchester United tactical setup tharah hian 4-2-3-1 formation hmanga high-tempo game khelh tir ruahman a ni a, hetah hian Finland, Norway leh Sweden-a pre-season tour an neih chhung zawnga che ṭha em em kum 19 mi winger Shea Lacey pawh first-team-ah a vawikhat nan bul ṭantir an tum tawh hle a ni.

Lacey hi pre-season chhung zawng khan a thiamna leh a chet danin stadium hrang hrangah mipuite mit a lo la tawh a. Mahni mual Old Trafford-a AS Roma nen an inkhelh ṭum pawh khan, bench aṭanga rawn inlanin match-winning assist mawi tak Matheus Cunha hnenah a pe a, 3-2 a hnehna an chan nan thawhhlawk tak a ni zui a ni.

Kum 2025 December thlaa Aston Villa laka 2-1 a an tlawm ṭum khan Lacey hi substitute-in United senior team tan a vawikhat nan a lo inlan tawh a, club academy aṭanga senior squad-a inlan thei player 256-na a lo ni tawh a ni.

Tunah hian United team-ah hmun nghet luah thiam turin a inbuatsaih chho mek a, Villa laka an match pawimawhah hian a bul aṭanga inlantir a nih ngei rin a ni.