Inrinni tlai khan league match-ah Manchester United U18 leh Nottingham Forest U18 te an inhmachhawn a.

A hma zan maia U21 team-te an inhmachhawn hnuah, he match hi a thleng nawn leh a ni. U21 team-ten tun season-a a vawikhat nan point an hloh tak avangin, United U18 team hian phuba lak ngei tumin match hi an hmachhawn a ni.

He inkhelah hian Kai Rooney-a'n U21 team tana a debut siam aṭanga darkar 24 lekah United U18 tan goal a rawn khung nghal a. Manchester United U18 team hian inkhelh chhungin ball thunun hnem zawk a, nawr pawh nawr na zawk mah se, hun tawp dawn lamah chakna goal an khung belh thei ta lova, 1-1 in an inhnehtawk ta a ni.