Champions League-a Madrid-a an tlawm hnuah, Manchester United chuan Elland Road-ah khualmual match harsa tak hmachhawn turin Leeds United an pan a.

Pathianni tlai hian United hian Daniel Farke-a hnuaia kumin chhunga Premier League-a che ṭha em em, chak taka khel ṭhin Leeds United chu an hmachhawn dawn a ni.

He an hmabak lian tak leh hmelma tlat an hmachhawn hmain, Manchester United head coach Michael Carrick chuan a player pawimawh hliam tuar an tam avangin buaina lian tak a hmachhawn mek a ni. Chawlkar laia Atletico Madrid an hmachhawn ṭum pawh khan Kobbie Mainoo, Luke Shaw leh Benjamin Sesko te an inlan thei lo tawh a ni.

Leeds an hmachhawn hma inbiaknaah Carrick chuan, "Luke leh Kobbie-te dinhmun chu kan ngaichan a ngai dawn a. Ben-a erawh a hliam chungchangah endikna kan la nei mek a, a lo kir leh hun tur tichiang turin enfiahna kan kalpui mek a ni. Chuvang chuan ani chu a la chawl rei hlek dawn a ni," tiin a sawi.

Club insider Sully-a tarlan danin, September thlaa League Cup-a Brighton & Hove Albion an hmachhawn ṭuma a ke chereina (shin) hliam tuar Sesko hi squad-ah a tel dawn lo a ni.

Hemi bakah hian, full-back pahnih Patrick Dorgu leh Noussair Mazraoui te pawh an ram aiawha an inkhelh ṭheuhnaah hliam an tawk a. Denmark leh Morocco tana an khelh ṭuma hliam an tuar avangin Elland Road-a inlan tur hian an zin chhuak ve lo a ni. Sully chuan full-back pahnihte hi squad nen an zin chhuak lo tih tarlangin, "Dorgu hi chu hun engemaw chen a chawlh a la ngai dawn a, Mazraoui erawh tun kar hian training a zawm leh tawh a, khelmuala kir leh mai thei dinhmunah a ding tawh a ni," tiin a sawi.

Mazraoui hi mahrina mahni chauhva zinchhuaka team va fin thut theihna dinhmunah awm mah se, chu erawh a thleng kher lo maithei a ni.

Full-back lamah hliam tuar an tam tak avangin, Carrick hian tun hnai match-ah te tlarhnung sir lamah Leny Yoro leh Ayden Heaven te a lo chhawr tawh a ni.