Manchester United chuan head coach Michael Carrick-a thlaktu tur an zawnna kawngah harsatna leh khirhna lian tak an hmachhawn mek nia report a ni.

Old Trafford club hian manager thar atana an duh ber leh an ruahmanna pui bera an dah, German manager Julian Nagelsmann chu lakluh tumin hma an lo la tawh a. Mahse, report thar bera a lan danin Nagelsmann hian Manchester United enkawl tura Old Trafford pan hi a hreh deuh tlat avangin, United hotute tan thlan tur dang (options) neih zawng zawng pawh a titlem tial tial hle nia hriat a ni.

Kar chho laia inelnaa AS Roma laka hnehna phuatawm tak an chan hnuah pawh, tun dinhmunah hian head coach Michael Carrick-a dinhmun hi a la thlamuanawm tak tak lo. Reports-a a lan danin, Carrick hian a hna hi humhim zui a duh a nih chuan Pathiannia Aston Villa nena an inhmachhawn tur match thleng hian hun a nei thleng chauh dawn a ni.

United hian team tana duhthusam manager lakluh tum eng ang mah se, an target ber Nagelsmann-a'n he thil hi a duh vak loh avangin Old Trafford-a manager thar lakluh tumna chuan buaina leh harsatna a tawk ta a ni.