Bournemouth laka Manchester United an goal hnihna an chhuah khan, Old Trafford-a directors' box aṭangin club chief executive Omar Berrada chu lungawi lo takin a lu a thing vawhvawh mai a ni.

Como laka an tlawm ṭhum khan head coach Michael Carrick chuan fan-te hnenah "team danglam tak" an hmuh tur thu a lo tiam tawh a, starting XI-ah pawh vawi li ngawt thlengin, captain Bruno Fernandes thlengin bench-ah a dah a. Mahse khelmualah erawh tlawmthlak leh zahthlak tak bawk an phochhuak leh ta a ni.

Tunah chuan Berrada leh director of football Jason Wilcox te chuan Carrick-a hmabak chungchangah thutlukna khauh tak an siam a ngai ta. Tun season chhungin match 12 an khelh tawhah vawihnih chiah hnehna an la neih avangin, he mi chhe kal zai tihtawp nan hian darkar 24 chhung ngei hian Carrick hi ban a ni mai dawn nia hriat a ni.

Stretford End lam aṭangin match ṭan hma leh ṭan hnuah a hming an au rual a, Carrick-a tana lainatawm tak ni mah se, kum 45 mi hian thutlukna sual leh tihsual pawi tak tak a nei chhunzawm reng thung. Leeds leh Como an hmachhawn ṭum khan formation a siksawi a, Leeds lakah a hlawhtling viau na a, Como lakah erawh a buai em em thung. Hemi avang hian Bournemouth an hmachhawn ṭum hian mualah 4-2-3-1 hmangin bul a ṭan nawn leh a ni.

Mahse Carrick-a tlarhnung ruahmanna siam chu a fuh lo hle. Leny Yoro chu right-back-ah dahiin, Diogo Dalot chu left-back-ah a dah a, Ayden Heaven leh Harry Maguire te chu central defence-ah a kawptir a ni. Thil awmze nei ber tur zawk chu thla tir lama Atletico Madrid laka che ṭha tak Heaven hi left-back-ah dahrang se, Yoro leh Maguire te hi tlarhnung lailiah in-pair tirin, Dalot hi a position pangngai right-back-ah chhawr zawk ni se a fuh tur a ni.

First-half-a Bournemouth goal khungte hi Heaven leh Yoro te tihsual aṭanga rawn chhuak a ni a, Yoro pawh hi a career purna central defence-a a khel a nih chuan hetiang tihsual hi a siam a rinawm loh hle. Match ṭan tirh aṭang khan Carrick-a tan thil a kal tluang lo nghal a. Match hmaa press conference-a a thuchhuahah phur takin a ṭawng a, a player-te rintawkna hlan mah se, khelmualah erawh a player rinawmte chuan an chhang let zo lo a ni.

Mual chhungah United an buai chhunzawm zel a, hnung lam aṭanga ball in-play chhuah pawh a harsat em em a ni. Stretford End lama fan-ten phur taka au an tum pawhin, khelmuala an chet chhiat em avangin stadium boruak a dai nghal duai a. Minute 10-na lekah mipuite an phun ṭan a, minute 7 hnuah Bournemouth attack rawn nawr chu goalkeeper Senne Lammens-a'n a lo man takah chuan stadium chhung thawm a ring hle a ni.

Touchline-a Carrick-a awm dan chuan mi tin mit a la hle. Bournemouth goal hmasaber luh khan a thinrim em em a, fourth official hnenah a vui a, mahse mikhual lamin an goal pahnihna Marcus Tavernier-a'n a khung meuh chuan engmah ti lovin a ding ngawi reng ta ringawt a ni. Bournemouth fan-te chuan "Naktuk zingah ban i ni dawn" ti te leh "City nen in tla thla dawn" tiin Carrick hi an zai el a. Goal thumna an khung zui phei chuan an elna thawm a ring lehzual a ni.

Hemi hnu hian Stretford End-a United fan-te chuan Carrick-a hming au nawn lehin, an neitu Glazer chhungkua leh Sir Jim Ratcliffe te dodalna hla an sa zui a ni. Captain Fernandes-a a kalsan (bench) chungchang pawh boruak hnianghnai tak a ni a, Como laka an tlawm hnua Fernandes-a'n taktika a lungawi loh thu mipui hmaa a sawi zarah Fernandes hi bench-ah a dah tak a ni.

Carrick hian player senior-te thlawpna a hmu lo em em a, kumin nipui bazar chhung pawha squad thuam chak lo tu United board (Berrada leh Wilcox te) lakah pawh mawhphurhna a awm ve hle. Old Trafford-ah Carrick-a lu a luang a nih chuan, a chunga hotu thutlukna sual tak tak siamtu Berrada leh Wilcox te pawhin Old Trafford hi an chhuahsan ve nghal a ngai a ni.