Aston Villa chuan Manchester United forward hlui Alejandro Garnacho chu a ngheta lakluh loh nan leh inremna awm tawh aṭanga fihlim dan tur kawng dang an zawng mek nia tarlan a ni.

Kum 2025 nipui transfer window-a Manchester United a chhuahsan aṭang khan Argentina international forward Alejandro Garnacho hian hun harsa tak a hmachhawn char char a.

Old Trafford-a a awm laiin rawlthar theihna ngah tak leh tlarhmaa hlauhawm tak ni ṭhin mah se, United a chhuahsan hnu hian a khelh dan a tlakhniam em avangin Aston Villa hian a ngheta lakluh chhunzawm hi an tan thil ṭha ber a nih an ring tawh lo a ni.

Hemi avang hian Villa hotute chuan he Argentine forward hi a ngheta lei zui lo tura hmalak dan tur leh inremna awmsa aṭanga fihlim dan tur ruahmanna thar an siam ta nia sawi a ni a. Garnacho-a tana hun harsa tak thleng mek hian a hmabak a titaksa angreng hle a ni.