Manchester United chuan an captain Bruno Fernandes-a thlaktu atan Premier League-a che ṭha tak Nottingham Forest player Morgan Gibbs-White chu lakluh tumin an thlithlai mek a. Mahse, he English midfielder lakluh tumna kawngah hian North London club Tottenham Hotspur aṭangin in-elpui lian tak an hmachhawn mek a ni.

Old Trafford club hian an captain Bruno Fernandes-a hmakhua a chian loh avangin a aiawh tur duhnain hma an la ṭan a. Fernandes-a contract pawtsei tura inbiakna kalpui mek chu a muang hle a, hei hian captain kum 31 mi hi a tifingpui (frustrated) hle nia tarlan a ni. Portuguese midfielder hian Old Trafford-a contract ziah thar chungchanga hmasawnna a awm tak si lohah chuan a hmabak tur chungchang a ngaihtuah nual mek a, Saudi Arabia aṭangin hlawh ṭha tak dawng thei turin dawrna pawh a hmu nia tarlan a ni bawk.

Saudi Pro League club Al-Hilal pawhin Fernandes hi hun rei tak an lo ngaihven tawh a, mahse an ngaihvenna hi an tihtawp tak avangin Manchester United hotute tan chuan thil lawmawm tak a ni thung. Fernandes-a contract neih lai hi kum 2027-ah a tawp dawn a, he club chhuahsan anga sawichhuah a nih mek lai hian Al-Hilal thutlukna hian a hmabak a titawp chiang rih lo a ni.

Fernandes-a hmabak a chiang lo zel avangin, United hian Premier League-a tawn hriat nei ṭha Nottingham Forest ace Morgan Gibbs-White chu a thlaktu atana mi pawimawh berah an dah a ni. Chutih rualin Tottenham Hotspur pawhin he English player hi an ngaihven ve hle a, lakluh ngei tuma an vir zek zek avangin transfer boruak a tisa zual hle a ni.

Hemi bakah hian Manchester United hian Turkish club Galatasaray player Aleksey Batrakov pawh Fernandes-a thlaktu tur zingah an hel tel bawk a, he player contract-ah hian release clause £50m a awm nia sawi a ni a, club lian tak takten an ngaihven meuh a ni.