Slovenian striker Benjamin Sesko-a hliam chungchanga medical update hnuhnung ber aṭangin, he striker hi a ngalruh (shin) hliam avangin January thla hma loh chuan a inlan thei dawn lo tih nemnghet a ni ta.

Hei hi Manchester United tan chuan mualso lian tak a ni a, head coach thar tu pawh hruaitu ni mah se, goal khungtu ber an chhawr thei rih lo tur hi hnualna lian tak a ni. Technical director Jason Wilcox pawhin an squad-a goal khung thei tlarhma player an indaih loh em avangin pressure lian tak a hmachhawn dawn bawk a ni.

Transfer window chhung khan striker thar an la lut lo hi Ineos leh United hotute tihsual lian tak a ni a, hemi kawngah hian chhuanlam siam tur engmah a awm lo a ni. Ineos hian Sesko-a chungchangah hian tihluihna leh hlamchhiah vanga tihsual lian tak pahnih an nei a ni.

Tihsual hmasaber: Kum 2023 khan United hian Rasmus Hojlund chu an lalut a, puitu tur striker dang chhawr tura an ruahman pui loh avangin amah chauhin tlarhma a luah a ngai a ni. Hojlund-a'n taksa lama hliam pawi tak nei lo mah se, rilru lama pressure lian tak avangin a season pahnihnaah a form a tla hniam hle a. Kum 2025-a Ineos-in Sesko an lakluh takah chuan, Hojlund leh Sesko te in-assist tawn tura kawl dun ta zawk lovin, Danish striker Hojlund hi £40m-in Napoli hnenah an hralh ta thung a ni.

Sesko-a season hmasa ber pawh Hojlund-a hniakhnung zuiin, season chawhnu lamah chauh goal a khung ṭan a. Hojlund hralh an duh a nih pawhin, Premier League tawn hriat ngah striker puitling, a pui thei tur lakluh a ṭul hle a, mahse kum 2023-a an tihsual bawk kha Sesko-a chungah an ti nawn leh a ni.

Tihsual pahnihna: Season liam taa match hnuhnung pathumah Sesko hi hliam vangin a inlan thei lova, Slovenia tan pawh June thla inelnaah a inlan lo bawk. July thla tir pre-season training a ṭan pawhin full fitness a la nei lo a, pre-season game pariat zinga pakhat mah a khel lo a ni. Premier League opening game-a Hull City an hneh loh ṭum pawhin bench-ah chauh a ṭhu a, hei hian a fitness dinhmun derthawn zia a tilang chiang hle.

Ineos hian Joshua Zirkzee, Marcus Rashford, Bryan Mbeumo leh Matheus Cunha-te chuan Sesko-a hmunruak an luah thei ang tiin an ngai a, mahse heng player-te hi tu mah centre-forward tak tak (natural striker) an ni lo. Sesko a hliam a nih chuan kar engemaw zat a chawl dawn tih hre reng chunga cover tur striker dang an la lut lo hi Ineos hotute tihsual leh ngaihthah lian tak a ni ta a ni.