Kumin nipui transfer bazar kal mekah Manchester United chuan Barcelona midfielder theihna ngah tak Fermin Lopez chu lakluh tumin lo ngaihven hle mah se, eng vanga he transfer hi puitlin ta lo nge tih chu a chhan phawrh chhuah a ni ta.

Thudawnna hrang hrangin an tarlan danin, Red Devils hian Lopez-a chungchangah hian inbiakna leh indawrna chu an lo nei ngei a, mahse beisei angin thil a kal ta lo a ni. Kumin nipui chhung hian Old Trafford club hian tlarhma (attacking) thuam chak nan player thar lakluh pakhat mah an nei ta lova, mahse hetianga an tlarhma tana player thar an lalut ta lo hi beihna leh tumna an neih loh vang erawh a ni hauh lo tih a lang chiang hle. Tlarhma lama an mamawh phuhruk tur hian theih tawp chhuahin hma an lo la ve ngei tih hriat chhuah a ni.

Manchester United hian kumin nipui transfer window an hmachhawn tirh aṭang reng khan an squad thuam ṭhat hi an ngaihtuah hle a. A bik takin Brazilian midfielder tawn hriat ngah Casemiro-a'n club a chhuahsan tak bakah, Manuel Ugarte-a'n hliam a tawrh tak bawk si avangin tlar laili (midfield) thuam chak chu an ngaihpawimawh hmasak ber zinga mi a ni ta tlat a ni.

Hetiang buaina hian club hotute ruahmannaah nghawng lian tak a nei chho a, Casemiro-a chhuahna hmunruak luah leh Ugarte-a hliam vanga midfield lam buaipui hmasak a ngaih tak tlat avangin, attacking lam player lakluhna kawngah harsatna leh thil danglam a thlen phah ta a ni.

Fermin Lopez hi Barcelona tan player pawimawh tak a nih bakah, United tana tlarhma leh midfield zawmtu ṭha tak ni thei tura beisei a nih avangin an lo dawr hman reng a. Mahse, transfer window a kal chhoh zel dan leh an club mamawh hmanhmawhthlak hrang hrang inchherchhuan avangin, he inbiakna hi a puitlin theihna tura a tawp thlengin an pawt thleng ta lo a ni.

Chutih rualin, Manchester United tana tlarhma player thar lakluh theih loh chungchangah hian ṭantute lam aṭangin zawhna a tam hle a. Mahse tun dinhmuna thil awmdan aṭanga a lan dan chuan, club lam hian inbiakna neihpuiin ruahmanna an lo nei ve ngei a, midfield lama Casemiro leh Ugarte-a te dinhmun avanga tlar laili ngaihtuah hmasak a ṭulna lian tak chuan an sum leh tha sen dan kawngah nghawng lian tak a nei a ni tih a chiang hle a ni.