Manchester United chuan inelna hrang hrangah a zawnin vawi thum tlawm an hmachhawn ṭep a, Craven Cottage-ah Fulham laka goal an chhuah hma khan an dinhmun a derthawng hle a ni. Lisandro Martinez chuan ball rawn per zeuh avangin Senne Lammens-a khum zawngin an goal-ah ball a chhuih lut palh a, vanduaithlak takin own-goal an chhuah phah a ni. Mahse, hun tawp lamah Matheus Cunha-a goal khung hmangin Manchester United chuan 1-1 in harsa takin point khat an hlawhchhuak hram a ni.

Tun season Premier League-ah Lammens hi la clean sheet lo mah se, United tlarhnung zawng zawng pawh sawisel an hlawh hle a ni. Mahse he buaina thlen hnu hian, Manchester City goalkeeper hlui Joe Hart chuan ngaihtuah a tithui thei ang berin Lammens-a thlavang hi a rawn hauh ta hlauh a ni.

Hart hian United elpui lian City-ah a career kum tam zawk hmang mah se, goalkeeper pui chhan duhna rilru lian tak a nei a ni. World Cup chhung pawh khan goalkeeper thlirna aṭangin ngaihdan puitling tak tak a lo thawh tawh ṭhin a, United own-goal chhuah chungchangah pawh Lammens hi a thlavang a hauh zui ta a ni.

BBC Sport hnena a sawinaah Hart chuan, "Bassey-a ke aṭanga ball a chhuah khan, Dalot-a kephah chhung lam a per zeuh a, hei hian ball kal dan a ti danglam ta a ni. Awmzia chu Senne Lammens tan khan football hi vawikhat mah famkim sa a ni lo. Hetiang ball rawn per chhuak thut-ah hian, i taksa zawng zawng hmanga dangin a rawn thleng zui zel tur hmachhawn ringawt kha tih tur awmchhun a ni mai. Lammens hian chu chu a ti a ni. Chuvang chuan a duh loh dan takin dinhmun khingbawhah a awm phah ta a. Hei hian Lisandro Martinez pawh a tiphu zawka, Garcia a hmuh zawhin ball hi ka pet chhuah ngei a ngai a ni tih a hrechhuak ta a ni," tiin a sawi.

Hart chuan sawi chhunzawmin, "Lammens-a thluak chhunga thil thleng kan thlir chuan: 'A rilru a buai nuai tawh a, hei hi backpass a ni em? A ni lo zawk nge? Ka kut ka hmang thei ang em? Ka pet chhuak zawk dawn em?' tih zawhna a inzawt ang. A tawpah thutlukna siamin - risk ka la lo ang a, ka pet chhuak zawk mai ang a ti a. Mahse a tisual ta hlauh a, a ke phah mualah a tang tlat a, a tan thil harsa tak a ni ta a ni. Ka thil sawi zawng zawng hi a takah chuan minute kar lovah a thleng vek a ni. Khelmualah ke a tang tlat a, tu nge goalkeeper nih duh ang le?" tiin Lammens-a tan thil harsa a nih zia a hrilhfiah.

Fulham nen an inkhelh ṭum khan first half-ah Lammens hi a che ṭha hle a, goal hnahkhahnai zet vawi engemaw zat a lo dang a ni. Mahse own-goal an chhuahnaa a tihsual tlemte avang hian a khelh ṭhatna kha hliahhliahin a awm ta zawk a ni. Season liam ta khan Lammens hi club tana player lakluh ṭha ber (signing of the season) a ni a, team hlawhtlinna kawngah pawh thawhhlawk tak a ni bawk.

Tun season-a United tlarhnung inrin tawk loh avangin Lammens hian Premier League match 5 khelhah goal 8 ngawt a chhuah tawh a. Heti phei hi chu a mimal chet ṭhatna erawh a la kiam chuang lo. Premier League statistics-a a lan danin, Lammens hi match panga chhungin ball 16 zet lo dangin, tun season-a ball dang hnem ber parukna (6th) a ni mek a ni.