Manchester United defender Noussair Mazraoui chuan training tlem a neih chhunzawm leh tawh avangin, Pathiannia Leeds United nena an inhmachhawn turah squad-ah a rawn tel ve theih a beiseiawm a, mahse Michael Carrick chuan he Moroccan full-back hian bul a ṭan nghal dawn em tih erawh a la nemnghet lo a ni.

DevilPage leh Tribuna ten an tarlan danin, Mazraoui hi Tottenham nena 1-1 a an inhnehtawk ṭum leh Champions League-a Atletico Madrid laka 2-0 a an tlawm ṭum khan hliam vangin a inlan thei lo a nih kha. Morocco ram tana a feh chhuahna lamah hliam tuarin a lo kir a, mahse Carrick chuan he defender hian training a ṭan leh tawh thu leh Elland Road-a an zinna turah a inlan ve theih a beisei thu a sawi lang a ni.

Leeds United hian Pathianni, October ni 18 hian United hi an khelmualah an lo mikhual dawn a, inkhel hi tlai dar 3:00 (BST)-ah ṭan a ni ang. Mazraoui hi training-ah a inlan ṭan tawh na a, a inbuatsaih hman tawk em tih a chian chiah loh avangin bul ṭan tura a inpeih tawh em tih leh squad-ah a tel ngei dawn em tih erawh Carrick-a thusawi aṭang hian a la chiang chiah lo thung.

United tana chanchin lawmawm loh lamah chuan, he match-ah hian Patrick Dorgu, Benjamin Sesko leh Manuel Ugarte te chu an inlan thei dawn lo nia tarlan a ni a. Luke Shaw leh Kobbie Mainoo te dinhmun pawh a la chiang lo hle bawk. Chutih rualin Carrick chuan Argentina defender Lisandro Martinez erawh matchday squad-ah a tel ngei dawn tih a nemnghet a, hei hian United tlarhnung dinhmun chu a ti ziaawm deuh dawn a ni.

United hian hliam vanga buaina an tawh mekte ngaihtuah chungin Leeds laka an inkhelh tur hi an inbuatsaih a, Mazraoui-a dinhmun pawh an enfiah mekte zinga pakhat a ni. Squad-a a lo tel theihna tur boruak a awm hi thil lawmawm tak ni mah se, khelmual chhungah a inlan nghal ngei dawn tihna erawh a ni lo.

Carrick chuan an squad chu a hma aia a chak zawk thu sawiin, Mazraoui chu an zinga a tel theih ngei a beisei thu a tarlang. Match hnih a chawlh hnuah Moroccan defender rawn let leh theihna hian tlarhnungah thlan tur a tipung dawn a, mahse manager thuchhuah aṭang hian starting XI-ah hmun a chang nghal dawn em tih aiin squad-a a tel theihna chauh a kawk rih a ni.

Centre-back Matthijs de Ligt pawh hnungzang hliam na tak a tawrh hnuah full training nei chho tawhin, bench aṭanga luh theihin a inpeih leh tawh bawk. Carrick-a tarlan danin De Ligt hi khelmuala inlan leh turin a hnaih chho tawh hle a, mahse engtikah nge a inlan leh theih chiah ang a, bul a ṭan nghal thei tawh em tih erawh a la tarlang lo. Manager chuan De Ligt hi match tak tak khel thei tura a inbuatsaih famkim hmain dawhtheihna leh thawhrimna a la mamawh thu a sawi bawk a ni.