FC Nordsjælland winger, chak em em mai Prince Amoako Junior chu lakluh theih dan kawng zawngin Manchester United leh Paris Saint-Germain (PSG) te chuan an thlithlai uluk hle nia report a ni. Kum 19 mi African speedster Amoako Junior hi transfer bazar inhawng leha chet lak theihna tur atana an ngaihven a ni a, European club lian pahnihte hian a theihna leh a chet vel dan hi an chhui zui ngun hle a ni.

Manchester United hian season liam ta nipui bazar chhung khan an tlarhma thuam chak nan hma an lo la tawh a. Chuti chung chuan tun season Premier League match kua (9) an khelh tawhah goal 10 chauh an la khung thei a, hei hian an tlarhma lama harsatna an tawk mek tih a tarlang chiang hle a ni. Chuvang chuan Red Devils lam hian an tlarhma thuam ṭhat leh nan transfer bazar-ah player thar lakluh ngei an mamawh tih hriain, hma an la ṭan leh ta a ni.

FC Nordsjælland tana khel mek Amoako Junior hi a tlan chak em em mai bakah theihna ngah tak a nih avangin, United hian an tlarhma chak zawk nan lakluh tumin umzui mah se kawng awlsam erawh a ni dawn lo. French club lian Paris Saint-Germain pawh he tlangval kum 19 mi inchuhnaah hian an inrawlh ve tlat a, PSG hian Prince Amoako Junior-a dinhmun hi uluk takin an thlithlai reng bawk a ni.

Tun season-a league game kuah goal 10 chauh khung thei United tan chuan tlarhma player thar lakluh hi thil ṭul tak a tling a. Season liam taa an player lakluh ten beisei ang tlarhma lamah an phuhruk tawk loh avangin, Red Devils hian he Danish club winger tlan chak tak lakluh hi an thlir mek a ni. Chutih rualin PSG nen an inchuh a ngaih dawn avangin inelna sang tak an hmachhawn a ngai dawn a ni.

Club pahnihte hian transfer thutlukna puitling an siam hmain Prince Amoako Junior hi an thlithlai chhunzawm zel dawn a, he African rawlthar hian Old Trafford nge a pan ang a, Paris lam a pan zawk dawn tih chu transfer inbiakna kal chhoh zel dan azirin a la chiang chho dawn a ni.