Fulham nena 1-1 a an inhnehtawk ṭuma Manchester United tana point pawimawh hlawhchhuaktu Matheus Cunha chuan club sawiseltute hnenah thuchah khauh tak a thehchhuak.

Pathianni khan Manchester United chuan Craven Cottage-ah Fulham chu an tlawh a, inkhel hmuhnawm lutuk loh leh chet chhiat deuh zawkna karah 1-1 in an inhnehtawk a ni. He inkhelh chhuah dan hian United-in season bul an ṭan ṭhat loh chhoh meknain a chhunzawm zel tih a tarlang chiang hle.

Craven Cottage-a an inkhelhah hian United lam an talbuai deuh hle a, mahse forward Matheus Cunha chuan an team tana point khat hlu tak hlawhchhuah theih nan goal a rawn khung hlauh a ni. Inkhelh zawh hnuah he Brazilian forward hian club leh an team dinhmun sawiseltute lakah ngaihdan nghet tak leh huaisen tak phawrh chhuakin, an ṭawngkamte chuan team a tihzual zawh loh tur thu a lantir a ni.