England manager Sarina Wiegman-i'n 2027 World Cup playoff-a Greece hmachhawn tur England squad a puanchhuahnaah Manchester United player Maya Le Tissier leh Jess Park te koh an ni a, mahse an teammate Ella Toone erawh squad-ah hian a tel ve ta lo.
Manchester United official website chuan an player pahnihte koh an nih thu hi a nemnghet a. Toone-i hnawl a ni hi thil thleng langsar ber a ni a, Sheffield United laka goal a khung hman chungin October thla international match atan Wiegman-i chuan a ko tel ta lo a ni.
Kum 2025-a Euro nomawi chawitu England squad-a lo tel tawh Le Tissier hian ram tan match 14 a khel tawh a. Ram tan vawi 26 inlan tawha goal 5 khung tawh Park-i pawh United-a a debut season-a PFA recognition a hmuh hnuah international tualzawla inlan lehna hun ṭha pek a ni bawk. Heng Red Devils player pahnih te hian kum 2027 World Cup playoff zui zelah ram tana an sulhnu belhchhahna hun ṭha an nei dawn a ni.
England hian October ni 9, Zirtawpniah Crete khawpuia Pankritio Stadium-ah khualmual match hmasa ber (first leg) an khel ang a. An inhmachhawnna pahnihna (return fixture) hi October ni 13, Thawhlehniah Leicester khawpuia King Power Stadium-ah an khel leh thung ang.
United hi season ṭan tirah London City Lionesses leh Chelsea lakah tlawm mah se, an khelh chhoh dan an siamṭha chho hle. Arsenal mualah 1-1 in an inhnehtawk a, Players' Cup-ah Sheffield United chu 10-1 ngawta sawpin, West Ham pawh league match-ah 2-1 in an hneh zui bawk a ni. September ni 30, Nilaini khan Players' Cup-ah Durham an hmachhawn a, October ni 3, Inrinni hian Liverpool an hmachhawn zui leh dawn a ni.
Sheffield United laka Toone-i'n goal a khung avang khan international squad-a a dinhmun a danglam phah ta lo. Wiegman-i'n Toone-i leh Chloe Kelly te a koh loh chhan hi tun hnai karah an theihna sang ber an phochhuak lo nia a hriat vang a ni tih The Guardian leh BBC Sport chuan an tarlang. Hei hi Toone-i tan chuan beid hisakna lian tak a ni a, Le Tissier leh Park te'n Greece hmachhawn tura inbuatsaihna an neih chhoh mek laiin, Toone-i erawh chuan khelmualah a theihna phochhuak lehtur pui tura ṭan a lak a ngai dawn a ni.
