Naktuk chawhnu hian Stamford Bridge mualah Manchester United chuan Chelsea an luhchhuah dawn a ni.
He inkhel hi United tan chuan thil lian tham tak a tling leh dawn a, a chhan chu inelna hrang hrang huamin an match khelh hnuhnung pariat (8) chhung zet chu hnehna an la chang zo lo reng reng a ni. Chelsea muala an inkhelh tur hi khawvel hmun hrang hrang aṭanga thlir theih dan tur leh hun bi chu hetiang hian a ni:
United Kingdom leh Ireland-a chengte tan chuan he match hi an ram sana-in chawhnu dar 12:30-ah a inṭan dawn a, TNT Sports kaltlangin live-a pek chhuah a ni ang. Portugal ramah pawh he hun chiah hian match hi a inṭan dawn a, ani erawh DAZN lamah en theih a ni thung ang. France ramah tualchhung hunin chawhnu dar 1:30 (13:30)-ah inkhel hi an ṭan dawn a, Canal Plus kaltlangin a en theih dawn a ni. Spain ramah pawh chawhnu dar 1:30-ah tho DAZN lamah pek a nih dawn laiin, Germany ramah chuan Sky Go kaltlangin inkhel hi an tichhuak thung ang.
Europe khawmualpui hmun danga awmte tan, Norway rama fan-te chuan Viaplay kaltlangin he inkhel hi an thlir thei dawn a, Sweden leh Denmark rama ṭantute erawh chuan Amazon Prime Video lamah an en thei thung ang.
North America lamah chuan United States ram huam chhunga awmte tan fuboTV kaltlangin live-a pek a ni dawn a. US time zone hrang hrangah Eastern Time-ah zing dar 8:30, Central Time-ah zing dar 7:30, Mountain Time-ah zing dar 6:30, leh Pacific Time-ah zing dar 5:30-ah te inkhel hi a inṭan dawn a ni. Canada rama fan-te tan erawh chuan DAZN kaltlangin inkhelh hi a thlir theih bawk ang.
Africa khawmualpui lam thlir ve leh thung ila, Morocco rama ṭantute chuan beIN Sports kaltlangin chawhnu dar 12:30-ah he match hi an en thei dawn a. Nigeria leh Cameroon rama awmte tan SuperSport chuan chawhnu dar 1:30 (13:30)-ah an tichhuak dawn bawk a ni. Kenya ramah erawh tualchhung hunin tlai dar 3:30 (15:30)-ah SuperSport bawkin an pe chhuak ang a, South Africa rama thlirtute tan pawh chawhnu dar 1:30-ah SuperSport kaltlang bawkin inkhel hi a en theih dawn a ni.
Asia khawmualpui lamah chuan, India rama chengte tan tlai dar 6:00 (18:00 IST)-ah Star Sports Select lamah a en theih ang. China rama ṭantute tan zan dar 8:30 (20:30)-ah Migu kaltlangin an pe chhuak dawn a, Japan ramah erawh chuan zan dar 9:30 (21:30)-ah U-Next lamah en theih a ni ang. Chu bakah, Australia rama awmte tan Inrinni zan Adelaide time-a zan dar 11:30 (23:30) aṭangin Stan Sport kaltlangin live-a thlir theih a ni dawn bawk a ni.
He inkhel hmuhnawm tak pual hian 'Mystique Jerseys' lamin football jersey dawng thei tura chona an buatsaih tel bawk a, Chelsea leh Manchester United inkhelh chhuah dan tur zat (score) lo hrilhlawk (predict) tute tan he mystery box hi chawi theih a ni ang. Khawvel pum aṭanga tel theih a ni a, Inrinni chawhnu dar 12:30 GMT (October 30) hmain entry hi thehluh hman a ngai dawn a ni.
