Zirtawp zan khan ram hrang hrang inkhelah Manchester United player eng emaw zat an ram aiawhin khelmualah an inlan a, che ṭha thawkhat tak tak an awm nual a ni.

Belgian goalkeeper Senne Lammens chuan World Cup quarter-final-a Spain laka a tihsual lian tak, hun tawp dawn lama Spain chakna goal a thlentir ṭum kha theihnghilh zui hmakin khelmualah a rawn kir leh a. Belgium-in khualmualah Italy chu 2-0 a an hneh ṭum khan Lammens hi a che ṭha zual hle a, goal chhuah miah lovin clean sheet a nei zui ta a ni.

He inkhelah hian Lammens hian save vawi ruk lai a nei a, chung zinga pali chu penalty box chhung aṭanga pet hlauhawm tak tak an ni. United goalkeeper hlui David de Gea khelh ṭhin dan ang maiin, ke hmanga a dan mawi tak hmangin goal lut ngei ngei tur a dang chhuak bawk a ni. Lammens hian ball pass hlawhtlinna (passing accuracy) zaa 71 a nei bawk a, Belgium tan Nations League campaign ṭan nan bulṭanna duhawm tak a ni.

Belgium tana inlan ve tho, Manchester United player lak thar Youri Tielemans pawh Italy lakah minute 90 chhung a khel tluan a. Pass vawi 81% a hlawhtling a, goal zawnah vawi hnih petin a pakhat chu an lo dang per a ni. Defender-te ṭanpuiin Tielemans hi tlarhnung lamah a thawkrim hle a, clearance vawi hnih, block vawi hnih leh interception vawi hnih a nei a, chu mai bakah boruaka ball innuaina (aerial duel) vawi hnih a neihah a chak ve ve bawk a ni.

Morocco full-back Noussair Mazraoui pawh AFCON champion Morocco tan a langsar hle a, Gabon 2-0 a an hneh ṭum khan hla tak aṭangin goal ropui zet a khung a ni. Hla tak aṭanga a ball pet kawh tak chuan Gabon goalkeeper tibuaiin goal chhungah a thlawk lut a. Mazraoui hian goal a khung bakah key pass pakhat a nei a, tackle a neih zawng zawng zaa 100 chu a hlawhtling vek a, duel vawi li chakin a pass pawh zaa 96 lai a hlawhtling a ni.

United player dangte pawh an inlan nual a; Celta Vigo lama loan-a la khel chhuak rih lo Turkish goalkeeper chu France nena an inkhelh ṭumin Turkey tan second half minute 10 hnuhnung lamah a rawn inlan a, save vawi khat a nei hman a ni. He match-ah hian Kylian Mbappé chuan France tan hma a lo hruaipui tawh a ni.

Scotland club Hibernian-a loan-a khel mek Ireland midfielder naupang pawh Slovakia laka Ireland under-21 team 2-0 a an chak ṭumin a che ṭha hle a, key pass pakhat siamin tackle vawi hnih leh duel vawi thum a chak bawk a ni.