Premier League early kick-off match-ah Manchester United chuan Stamford Bridge-ah Chelsea an tlawh dawn a, he inkhel hi head coach Michael Carrick-a tana a hmabak hriltu (make-or-break) match pawimawh tak a ni dawn a ni. Tun kar chhung khan Carrick-a hi United-in manager hna an chelh chhunzawmtir zui a, mahse a banna tur hi hnar rual a ni lo ti a ngaitu an awm nual bawk.

Stamford Bridge-a an chak hlauh a nih chuan boruak inthlakthleng vek thei dinhmunah an awm a. Opponent manager Xabi Alonso-a naute pawh hi Carabao Cup-a Liverpool laka an tlak hlim bakah, a hmain mahni mualah Tottenham Hotspur 2-0 in an lo tlawm tawh bawk. Heti chung hian MEN Sport-in pundit paruk (6) te inkhelh thlir lawkna an chhawp chhuahah pundit-te zawng zawng hian Chelsea tan hnehna an thlang vek a ni.

England leh Liverpool striker hlui Peter Crouch chuan 'That Peter Crouch Podcast'-ah sawiin, "Chelsea inkhelh chhoh dan kha a mak takzet a ni. Carrick-a tana han tluang zawka inkhelh a harsa khawp ang. A bikin Bruno Fernandes nena an intihthiam loh bakah Joao Pedro leh Emi Martinez-te an hliam a, goalkeeper Mike Penders-a'n Spurs lakah tihsual lian tak a nei bawk nen. Chelsea-in hnehna an chan ngei ka beisei a, 2-1 in Chelsea an chak ang," tiin a sawi.

YouTube-a chanchin sawi lar Mark Goldbridge chuan he match hi Carrick-a tana United manager a nih hnuhnun ber tur a nih a rin thu a sawi a, "Chelsea leh Spurs an inkhelh khan Spurs-in chak an phu zawk a, United hian Spurs tih ang hi an ti thei ve dawn niin ka ring lo. Liverpool nena an inkhelh pawhin Chelsea-in chance an siam nasa hle. Chelsea ruahmanna hian harsatna min thlen dawn tlat avangin 6-0 in Chelsea an chak ka ring," a ti hial a ni.

Chelsea striker hlui Jimmy Floyd Hasselbaink chuan Straits Times hnenah, "Everton laka 2-0 a kan chak ṭum khan kan khel ṭha takzet a, Tottenham laka kan tlawm erawh a pawi hle. Mahse Man United lakah hian an insiamṭha leh thei dawn tih ka hria a, an chak ngei ka ring," a ti bawk.

Chelsea midfielder hlui Steve Sidwell pawhin Chelsea tan 1-0 hnehna a thlang bawk a. Liverpool legend Steve Nicol chuan ESPN FC-ah sawiin, "United player-te hian mimal mawhphurhna lak a hneha midang an puh tlat avangin buaina an tawk a ni," tiin Chelsea tan 2-1 hnehna a thlang ve leh bawk.

Chelsea star hlui John Mikel Obi pawhin a YouTube channel-ah sawiin, buai mek Manchester United lakah a club hlui Chelsea chuan hnehna an chan ngei a rin thu a tlip zui bawk a ni.