Manchester United defender Lisandro Martinez chuan Argentina tan a theihna sang a lantir chhunzawm zel a, Burkina Faso laka 7-0 ngawta an chak ṭum khan khelmualah hun duhawm tak a hmang a, tualchhung Argentine media lamin a khelh dan chu thlirin fakna an hlan zui hle a ni.

Inrinni, October ni 3 khan Estadio Mâs Monumental khelmualpuiah friendly match khelh niin, hetah hian Argentina chuan Burkina Faso chu si sarih fai (7-0) ngawtin an sawp a. He inkhel hmuhnawm takah hian United defender Martinez chu tlarhnung venhim kawngah a inlan ṭha hle a, an khingpui te tana hlauhawm thlen theih loh tura mual a luah hneh dan chu Argentine media-te ngaihven hlawhtu berte zinga mi a ni chho ta a ni.

"The Butcher" tia koh ṭhin Martinez hi ram tana international friendly match khel tur hian koh a ni a. Ram tana a theihna zawng zawng hlan ṭhin he defender hian Burkina Faso laka goal an chhuah loh nan leh clean sheet an neih theih nan tlarhnungah a thawhhlawk hle a, mual chhunga a chetzia leh ball a thunun dan chu ram chhung media-te chuan an fak hle bawk.

Martinez hian tun thla tir lam khan Bolivia laka Argentina 4-0 a an chak ṭum pawh khan a lo inlan tawh bawk a ni. Bolivia leh Burkina Faso laka Argentina match khelh tawhah hian an tlarhnung a nghet em em a, tlarhnung ban pawimawh Martinez-a inrawlhna hian Argentina chakna kawngah nghawng ṭha tak a nei zel a ni.

Estadio Mâs Monumental-a 7-0 a an tualvawrh hnu hian, Argentine media hrang hrangte chuan Manchester United defender hi fak zuiin, khelmual chhungah a rintlak zia leh inkhel thunun theihna a neih ṭhat zia an tarlang zui a ni. Khualmual team laka theih tawp chhuaha an nawrna kawngah pawh Martinez hian hmun pawimawh luahin, Argentina tan player rintlak a nih zia a pholang nawn leh ta a ni.