Head coach Michael Carrick-a hnuaiah Manchester United an che chhe chho hle a, inelna hrang hrangah beisei an phak loh avangin squad siksawi (clearout) lian tak neih an mamawh ta hle. Boardroom lama inthlakthleng a thlen hma pawhin, club fan-te chuan thawhhlawk lo leh team nena infit tawh lo player-te chhuah tir vat an duh a ni. Season ṭan aṭanga an chet chhiatna hian United squad chhungrila buaina lian tak a phochhuak a, player hralh chhuah tur zinga langsar ber berte pawh tarlan an ni ta a ni.

An captain leh hero lo ni ṭhin Bruno Fernandes pawh he hralh tur list-ah hian a hul bik lo. Portugal international hi thla thum liam ta chhung khan a tlahniam hle a, goal leh assist a siam theih tawh meuh loh bakah, a hmingṭhatna hmang chauhva starting lineup zawm a ni ber tawh a ni. Como laka an tlawm hnu khan chanchinbumite hnena a ṭawngkam hmannaah head coach Michael Carrick-a taktika ruahmannate vantlang hmaah a sawisel a, hei hian boss laka a hel tak zet tih a tilang. Manager laka hel zawnga player an chet hian hmakhua a thim ṭhin avangin, Fernandes leh United te hi an inṭhen hi a ṭha zawk tawh niin an ngai a ni.

Tlarhnung lamah Luke Shaw-a hliam nei ngun lutuk pawhin United a ti khaihlak zing hle. European football khelh tur a awm loh avangin 2025-26 season kha chawlh hahdamna nia hmangin league game a khel tluan thei a, mahse kar khata match hnih an khelh takah chuan a taksain a tlin leh ta lo a ni. Club-a inlan rei ber ni mah se, chhuah tir a hun ta hle. Chutiang bawk chuan Lisandro Martinez pawh contract a zawh ṭhep tak avang leh club board laka a ṭawngchhuah tak avangin a chhuak ngei dawn nia ngaih a ni a; Harry Maguire pawh center-back thar lakluh nana sum humhim nana vawn zui mai a ni a, Leny Yoro-a ṭhanlenna kawng a dahlauh nan chhuah zui tir an duh bawk.

Tlarhma leh tlar lailiah Marcus Rashford-a'n tun season-ah goal leh assist a la nei miah lo a, 2025 tir aṭanga hralh tum tawh ni mah se, an hlawhtling thei lo a, kuminah pawh Carrick-a'n vawnhim tum mah se a rawngbawl a tlahniam tluang zel a ni. Mason Mount pawh club chanchina player lakluh chhe berte zinga mi niin, jersey number 7 ha phu loin a awm mek a ni. Joshua Zirkzee pawhin Como laka goal a khung hram na a, 2024-a a luh aṭanga club nena in-fit hlei theilo a ni a, Noussair Mazraoui pawh goal chhuah tura tihsual nei ngun ber a nih avangin full-back thar lakluh nana hralh a hun ta hle bawk a ni.