Thawhlehnia Champions League match-a Atletico Madrid laka an tlawm hnuin, Manchester United manager Michael Carrick-a dinhmun a derthawng takzet a, chhuahsan tura phutna a sang chho hle a ni. European inelnaa an tlawm tak avang hian tun season inelna hrang hrang match pakaw an khelh tawhah vawi hnih chauh chak an la nei a ni.
Hetianga chet chhiat zawn tak avang hian Carrick-a dinhmun hi ngun takin thuneituten an thlir mek a, rang taka a hlawhtling zawnga inthlak thleng a ngai tawh a ni. Pathiannia an elpui lian Leeds United an luhchhuah tur hi United hotu tan hian match pawimawh tak a ni dawn a, season liam taa a hlawhtling tak mai chet ṭhatnate chu tun hnaia an tlakniam tak avangin theihnghilh tluk a ni ta ber.
United hian kum 40 chhunga league bul ṭan chhiat ber tum an hmachhawn mek a, harsatna dang an tawk leh a nih chuan an buaina a belhchhah hle ang. Carrick-a hma hun a chiang loh takah chuan Old Trafford-ah hian a thlaktu tur atan tute nge hming ri langsar tih chanchinbute chuan an chhui zui mek a ni.
United legend Paul Scholes chuan Old Trafford zawm tura sawizawm mek Brighton boss Fabian Hurzeler chu manager puitling leh ṭha tak a nih thu a sawi. Kum 31 mi German manager hi tun season EFL Cup-ah pawh United lo tirahlaitu a ni a, Carrick-a thlaktu tur bera ngaihte zinga mi a ni. Hurzeler hi kum 31 mi chauh a nih laia Brighton enkawltu atan ruat niin, Premier League chanchina manager naupang ber a ni a, Seagulls hi a zawnin Premier League-ah riatna (8th place) a nihpui tawh a ni.
"The Good, The Bad and The Football" podcast-ah Scholes chuan, "A che ṭha em em a, manager puitling tak (real deal) a ni. Mahse, Man United chu a danglam thung. Chawlhkar tin a chungah mit a thleng a ni. Brighton hian match 10 chhung game pakhat mah winning nei lo pawh nise, tuman an pawi ti lutuk lo ang," tiin a sawi.
Treble chawitu Scholes chuan sawi chhunzawmin, "Hurzeler-a'n Michael-a a lehpelhna pakhat chu Premier League-ah sulhnu leh hna a lo thawk hnem tawh zawk a ni. Michael-a hi Middlesbrough-ah a nei ang ang hmangin a che ṭha ve bawk a. Mahse Middlesbrough hian an budget neih angin a ai sang hi an beisei ka ring," a ti bawk. Scholes hian Carrick ngei pawhin hetianga chet chhiat chhoh takah chuan Old Trafford chhuahsana zangnadawmna (compensation) laa hmun danga chona thar hmachhawn a pawi ti lo maithei tiin a lo tarlang bawk.
Hemi hnuia langsar leh pakhat chu free agent Antonio Conte a ni. Italian media Calciomercato-in a tarlan danin, Italy manager hlui Conte chuan United manager hna hi "a pawm nghal ang" a, Carrick-a dinhmun a derthawng zel a nih chuan dawrna a nghak mek nia sawi a ni.
Chelsea enkawltu hlui, kum 2017-a Blues Premier League title lakpui tawhtu Conte hi season liam ta tawpa Napoli a chhuahsan aṭang khan club enkawl lohvin a la awm a ni. Kum 57 mi Conte hian kum 2025 khan Naples-ah Serie A title a lakpui a, mahse club hotute nena inkar a chhiat avangin a chhuak zui ta a ni.
talkSPORT tarlan danin, Carrick-a ban a nih hlauh chuan he hna thawk tura beisei zual zinga mi a ni. Germany leh Bayern Munich head coach hlui Julian Nagelsmann pawh free agent zinga United enkawl thei tura ngaih a ni bawk.
England-a a lo hlawhtling tawh chungin, United tan Conte lakluh hian rilru buaina tlem a siam thei bawk. Chelsea leh Tottenham a enkawl ṭuma a chhuah dan a hmawr a bawk ṭhat loh bakah, Italian manager hi season ṭan hmaa pre-season tour nei tluan parh chho thei tura zawm zawng hian a thawh a fuh ber ṭhin avangin chutiang chu a ngai a ni. Engpawh nise, Italy aṭanga chanchin lo chhuak danin Old Trafford-a hruaitu puitling leh khauh tak a ṭhut hi he United squad theihna phawrh chhuak tur hian a mamawh tak tak a ni maithei a ni.
