Manchester United-in January transfer window inhawng tur thlirin tlarhnung thuamchakna tur an zawng mek a, MLS club New England Revolution left-back kum 18 mi Peyton Miller lakluh tumin hma an la mek a ni. He rawlthar "game changer" tia an sawi ngat lakluh tum hian United hian Premier League-a an elpui lian Arsenal leh Liverpool te hmachhawn an ngai dawn a, transfer bazarah inelna nasa tak a thleng dawn a ni.

United hian left-back thar an mamawh zia chu tute pawh mai hian an hmu thiam vek a, mahse an mamawh phuhruktu tur dik tak zawn chhuah nan hian hmun hla zawk thleng pawha an mit an len a ngai dawn a ni.

Season liam ta khan Luke Shaw chuan Premier League match tinah bul ṭan mah se, tun season-ah erawh a hliam neih ṭhinte a rawn chhuak thar leh a, kumin chhung ringawt pawh hian match thum lai a khel thei lo tawh a ni. Shaw-a hliam hian United hotute rilru a tibuai thar leh hle a, chuvang chuan January thlaa player thar lakluh ngei an tum phah ta a ni.

He rawlthar Peyton Miller hi New England Revolution-ah a cheṭha hle a, a theihna sang tak avang hian Europe club liante mit a la hle a ni. United scout-te'n he tlangval chet vel dan hi uluk takin an thlithlai reng a, tlarhnung veilam phuhrukna tur player ṭha tak a nih an beisei hle.

Amaherawhchu, Arsenal leh Liverpool-in he player hi an ngaihven ve hle a, an tlarhnung thuamchak nan lakluh ve an tum mek bawk. Chuvang chuan, United-in he rawlthar hi an la lut thei dawn a nih chuan sum tam tak thehchhuah bakah inbiakna hlawhtling tak an neihpui a ngai dawn a ni.