Manchester United rawlthar duhawm berte zinga mi, kum 15 mi JJ Gabriel chuan club hnenah a registration tihtawp a nih nan ngenna a thehlut a, Manchester United chanchinbu hmai a luah zui nasa hle a ni.

He rawlthar theihna ngah tak hi Barcelona, Real Madrid leh Bayern Munich te chuan lakluh an ngaihven hle a. UEFA Youth League-a Sabah laka hat-trick a khung hnu ni tlem te lekah United hi a hnungchhawn tak avangin ram pawna chhuah zui nghal mai hi a rinawm hle a ni.

Gabriel hi rawlthar danglam bik leh theihna sang tak nei nia ngaih a ni a, United pawhin Old Trafford-a hren zui zel tumin an theihna zawng zawng an hluah a ni. Chutih rualin, Gabriel-a'n chhuahsan a tum avang hian United tan beidawnna tur a awm lutuk lo a, an academy aṭangin rawlthar ṭha tak tak an rawn chhuak chho mawlh mawlh thung. Heng rawlthar pathumte hi i lo thlir zui teh ang:

1. Shea Lacey:

Kum 19 mi Shea Lacey hi hming langsar ber pakhat a ni a, senior team-ah pawh a inlan ṭan tawh a ni. Season liam ta khan inlan zawk zawk tawhin, Burnley laka a inlan ṭum phei chuan goal bar a pet per bakah red card a hmu hial a ni. Tun season hi he rawlthar tan hian a breakout season a ni thei dawn a. Carabao Cup-a Brighton laka a goal khung chuan a theihna sang tak a pholang a, he match-ah hian United hi tlawm mah se, Lacey-a tan erawh chona thar inṭanna a ni thei ang. Head coach Michael Carrick-a rinbur a nih avangin tun kar leh season chhung hian first team-ah inlanna hun ṭha a hmu zui zel beisei a ni.

2. Hamburg-a piang rawlthar forward (Germany youth international):

Tun kar chhung khan he winger hian an club nen professional contract hmasaber a ziak fel a, a hmabak tichiangin hma pan zel turin a inpeih a ni. Season liam ta khan United-in FA Youth Cup final an thlen thleng khan vawi hnih goal a khung a, Under-18 inelna hrang hrangah goal 9 lai a khung tling bawk a ni. Under-21 tan pawh a inlan tawh a, Germany youth team-ah te pawh koh a lo ni tawh bawk. Kum 18 mi hian pre-season-ah pawh minute a hmu nual tawh a, tun season chhung hian first team-ah inlanna hun pek zui beisei a ni.

3. Tynan Thompson:

Kum 18 mi winger Tynan Thompson hi United chuan kumin nipui chhung khan Tottenham Hotspur aṭangin £4million-in an la a, a chet ṭhat dan azira pek belh tur (add-ons) £4m a awm bawk. Academy huang chhungah fak a hlawh hle a, season liam ta pawh khan Spurs tan Champions League match hnihah bench-ah a lo ṭhu tawh a ni. He England youth international hian Old Trafford-ah hmakhua ṭha tak a nei tih United hotute chuan an ring nghet bur a ni.