Manchester United chuan Tottenham forward hlui Troy Parrott-a chet dan thlithlai turin Spain-ah official-te an tir nia tarlan a ni a, he Republic of Ireland international hi £67.5m man hu-a lak luh an rilruk thut thei nia report a ni.
Kum 24 mi Parrott hi kum 2024 khan Spurs chhuahsanin, Dutch club AZ Alkmaar chu £6.7m-in a zawm a. Netherlands-a a awm chhung hian inelna hrang hrangah match 97 inlanin goal 51 ngawt a khung a ni. Alkmaar-a a chet ṭhat em avang leh Ireland tana goal a khung ngun avangin, kumin nipui bazar khan £17m-in Real Betis chuan an lalut ta a ni. Betis-ah hian he forward hian a chet ṭhat chhunzawm zelin, tun season chhungin match sarih a khelhah goal hnih khungin assist vawi khat a nei tawh bawk.
Tottenham boss Roberto De Zerbi pawhin an tlarhma thuam chak nan Parrott hi North London-a lak kir leh a thlithlai mek nia sawi a ni a. Mahse, Spurs chauh hi Premier League club ngaihventu an ni lo. Fichero tarlan danin, Parrott-a khelh dan ṭha tak hian English top-flight club-te mit a la hle a, a bikin Manchester United hian lak luh an chak hle ni a ngaihna a lian a ni. Kumin nipui transfer window chhung khan striker thar lak luh loh thutlukna an lo siam tawh avangin, Red Devils hian hmunruak luah nghal thei tur No. 9 theihna nei ṭha tak lak luh an duh thar leh ta a ni.
Parrott-a ball in-pass-pui thiamna (link-up play), a taksa chakna leh goal hmaa a zaipawi dan (clinical finishing) te hi United hotute duh zawng tak a ni. Manuel Pellegrini-a enkawl Betis tan La Liga leh Champions League-a a khel lai thlithlai turin United hian scout an va tir zui phei a ni. Betis hi tun season-ah an che ṭha hle a, league match pariat aṭangin point 19 ngawt hmuin, Champions League-ah pawh match pahnih khelhin vawi hnih an chak tawh a ni.
Head coach Michael Carrick-a nauten Parrott hi ngaihven hle mah se, tun dinhmunah chuan dawrna tak tak an la thehlut lo thung. He forward hian Betis-ah kum 2031 thleng contract a nei a, a release clause hi £67.5m zet a nih avangin United telin dawrtu club-te tan chawpchilh taka lak luh a harsa deuh maithei. United striker rinrawl Benjamin Sesko hi hliam vangin a chawl mek a, a rawn kir leh hun tur pawh hriat chian a la ni lo. Kumin nipui khan United hian Sesko-a thlaktu tur hi la lut lo in, Joshua Zirkzee chu second-choice atan an hmang a, Netherlands attacker hian deadline day-a chhuah an inbeisei hman hial avangin United fan-te chuan thutlukna dik lo ah an lo ngai tawh a ni.
