Season liam taa pathumna ni chungin, Manchester United chuan tun season Premier League game sarih an khelh aṭangin point 7 chauh an hmu a, hei hi club lian tan chuan beisei aia hniam tak a ni.

Leeds United nen an inhnehtawk chung pawhin, general picture leh result hmuh tur a chhiat em avangin head coach Michael Carrick lakah pressure a sang hle. Hetiang dinhmun karah hian Carrick chuan Old Trafford-ah team tlar laili rinrawl (spine) thar a rawn piang chhuak mek nia a hriat thu a sawi a ni.

Carrick hian Champions League-a Atletico Madrid an hmachhawn ṭum khan Andrey Santos leh Carlos Baleba te chu a vawikhat nan midfield-ah a kawptir a. He match-ah hian 2-0 in tlawm mah se, malkhat leh an inkawpna angin he player pahnihte hian inkhelh an lantir ṭha hle a ni. Kobbie Mainoo leh Youri Tielemans te an inkawp ṭhin ṭuma tlar laili a awl hle ṭhin nen inthlau takin, Santos leh Baleba te hian midfield-ah thununna (positional discipline) leh chakna an rawn thlen zui ta a ni.

Atletico laka an chet ṭhat avang hian Carrick chuan Leeds lakah pawh he midfield ganding hi a hmang nawn leh a, an pahnih bawk hian an rawn che ṭha leh hle a ni. Baleba hi Man Utd tan khelmual chhunga player che ṭha ber a ni a, Santos pawhin a rawn zui hneh hle bawk. An pahniha an thawhho ṭhat em avang hian Leeds pawhin a chak zawnga tlan chhuahna leh hmunawl an hmu mang lo a, ball an thunun ṭhat avangin United pawhin Mainoo an hming hawi ngai meuh lo a ni.

Match zawhah Carrick chuan player naupang pahnihte chungchang sawiin, team tlar laili rinrawl thar an piang mek tiin a sawi. Carrick chuan, "Carlos [Baleba] leh Andrey [Santos] te nena kan midfield thlir hian, khelmual lailiah team tlar laili rinrawl thar a rawn piang chhuak a ni. Heng player naupang pahnihte hian he football club-a nun thar zawmin insiamremna an nei mek a, vawiin khan an pahnihin an che ṭha takzet a ni. Kar laia kan inkhelh ṭum pawh khan an che ṭha em em a. Hei hi kan tan chuan thil lawmawm tak leh phurna lian tak a ni," tiin a sawi.

Baleba leh Santos te chet ṭhat piah lamah, Carrick-a'n tlar laili a pawp ṭhin tih hriaa a setup duhdan hmasa siksawi ngam tactical flexibility a lantir hi thil pawimawh tak a ni. Midfield-a an buai ṭhin tih hriain, he player pahnih hi an kawptir a, hmasawnna an hmuh takah chuan he ruahmanna thar hi a vawng chhunzawm ta a ni. Hetianga inthlakthleng ngamna hian hmang chang zel dawn sela, hma hetiang taka chherna hian hmakhuaah United tan nasa takin a pui dawn a ni.