Manchester United-a football negotiations director hna chelhtu Matt Hargreaves chuan kumin nipui transfer window chhung khan club a ti-mualpho a, transfer market-ah Manchester United chu "zahthlak tak leh nuihzabur" ni hial tura a chhuah dan chanchin chu a rawn lang chhuak ta.

Season thar chu match ruk (6) chauh an la khelh tihin, Manchester United chu buaina nasa tak (crisis) chhungah an lut der tawh a ni.

Premier League-a kaisang thar Hull City laka an tlawm bakah, player 10 chauhva khel Manchester City laka an tlawm zui leh a, Carabao Cup aṭanga Brighton & Hove Albion-in an pet chhuak bawk nen, head coach Michael Carrick chuan pressure lian tak a hmachhawn mek a ni.

Heng match hmasa lama an chet chhiat zawn em emna hian club chhungril boruak a tichhe hle a, kumin nipui bazar chhunga an chet dan leh Matt Hargreaves-a hmalak dan te chu chanchinbu hrang hrang leh boruakah sawisel a hlawh zui nasa hle a ni.