Spain lam aṭanga chanchinbu hrang hrangin Manchester United-in Barcelona midfielder Fermin Lopez lakluh tumin an dawr nia an tarlan chu thudik a nih loh thu leh, he transfer hi a thleng dawn lo tih tarchhuah a ni ta.

Tun kar tawp lam khan Spain rama chanchinbumite chuan United hian he Spanish midfielder hi lalut turin an ngaihven (enquiries) nia tarlangin, club pahnihte inkarah inbiakna a awm anga sawi a ni a. Mahse, he tianga thuthang vir vel hi hmehmih a ni ta a, club leh player lamin he transfer hi a thleng dawn lo tih leh inbiakna engmah a awm loh thu an tichiang hle a ni.

Kumin nipui transfer bazar chhung khan Red Devils hian an midfield thuam chak a, Premier League title beisei thei team din tumin tlar lailiah hma an lo la nasa hle tawh a ni. Market inhawng chhung khan Aston Villa aṭangin Youri Tielemans, Chelsea aṭangin Andrey Santos leh Brighton aṭangin Carlos Baleba te chu an lo lalut tawh a ni.

United hian tlar laili thuam nan sum tam tak sen tawhin midfielder ṭha tak tak an kawl belh ta bawk nen, Barcelona star Lopez lakluh tumna hi thil thleng thei a ni lova, he Spanish young star pawh hi Camp Nou-ah an cham chhunzawm zel dawn a ni.