Inrinni khan Stamford Bridge-ah Manchester United chuan first half-ah match thunun zawk mah se, mualneitu Chelsea lakah 2-0 in an tlawm a, kut lawngin an kir a ngai ta a ni.

He inkhelah hian Red Devils tlarhnung lailia mi pawimawh Lisandro Martinez-a fimkhur lohna leh chet thawt-thawtna avangin Chelsea hian goal an khung phah a, United tan an tlawmna chhan lian tak a tling ta a ni.

Chelsea laka a chet chhiat nasat em avang hian club chhungrilah buaina a chhuak zui a, transfer thuthang hrechiangtu Fabrizio Romano-a'n a tarlan danin, INEOS hotute chuan Argentina defender Martinez hi an hmabak chungchanga inbiakna pawimawh tak (crunch talks) nei turin inhmukhawm turin an ko ta a ni. Tun dinhmunah hian kum thar January transfer window inhawng turah he player hi hralh chhuah a nih mai theihna dinhmun lian tak (real possibility) a awm ta a ni.

Old Trafford-a a hmabak a chian loh tak em avang hian Martinez ngaihventu club liante pawh an rawn thleng chawpchilh nghal a. Spanish club lian Barcelona leh Atletico Madrid te bakah Italian Serie A club ṭhenkhat pawhin he Argentina international defender lakluh theih dan kawng hi an thlithlai ṭan mek a ni.

First half chhung zawng a chhehvel inkhel thunun a, che ṭha zawk nih hnu pawha Martinez-a fimkhur loh avanga tlawm ta mai he Manchester club hian squad thununna leh player-te intlakhniam dan chu an enliam mai mai thei tawh lo nia ngaih a ni a. INEOS leh Martinez-a te inbiakna hian Old Trafford-a he defender-a hmabak a tiril a ti-khur hle dawn ta a ni.