Saudi Arabian club Al-Hilal chuan Manchester United captain Bruno Fernandes lakluh nan January transfer window inhawng turah £46m zeta lian offer thehchhuah an inbuatsaih mek niin report-te chuan an tarlang.

Manchester United hian January transfer window pawimawh tak hmachhawn turin inbuatsaihna an nei mek a, an team performance la che tak thuamchak nana sum hman tur INEOS-in a pe dawn em tih chu team ṭantute chuan nghahhlelh takin an thlir mek a ni.

Tun dinhmunah United squad-ah hian tlarhnung laili leh left-back lam venhimna ti-nghet tur defender thar lakluh te, bakah striker Benjamin Sesko-a hliam buaina avanga tlarhma lama mamawhna phuhru tur striker thar lakluh te chu an mamawh takzet a ni.

He mi rilrua nei chung hian, Old Trafford-a Fernandes-a hmabak leh January bazar-a player chhuak thei tur zawng zawng pawh INEOS lamin an ngaihtuah tel a ngai dawn a ni. United tana player pawimawh ber Bruno Fernandes hi Al-Hilal lamin lakluh tumin an hel char char a, January transfer window-ah mega offer thehlut turin an inbuatsaih mek a ni.