Thla liam taa Manchester derby match neih ṭuma Erling Haaland-a goal khung dik lo tak lo pawmtu Video Assistant Referee (VAR) official chu Premier League match enkawl turin khelmualah a rawn kir leh dawn ta.
Thla liam ta khan Manchester United leh Manchester City te inhmachhawnnaah thawm a ring hle a, match result hriltu ber Erling Haaland-a goal khung chungchangah inthliarna leh thutlukna dik lo lian tak a chhuak a ni. Replay leh pitch chhung thil thleng aṭanga enin he goal hi pawm chi a nih loh laiin, VAR lama official awm chuan goal a nihna angin a lo pawmsak ta hlauh mai a ni.
He thutlukna dik lo hian club hnih inkara boruak a ti-fusip hle a, a bikin Manchester United fan-te leh official-te lam aṭangin vuina leh lungawilohna lian tak a chhuak nghal a ni. Professional Game Match Officials Limited (refereeing organisation) te pawhin he thutlukna hi tihsual dik tak a ni tih pawmin, he match hnu hian a mawhphurtu VAR official hi match enkawl chhunzawm rih lo turin chawlhtir lailawk a lo ni tawh a ni.
Mahse, he VAR official hi a hremna leh chawlhna hun a hman zawh hnuah, Premier League match thar lo awm turah VAR hna thawk leh turin mawhphurhna pek a ni leh ta a. Match enkawltu pui tura ruat a nih leh tak avangin Premier League fan-te leh football analyst-te zingah titi a ti-tam thar leh hle a ni.
Premier League match enkawltute (referees) hian match pawimawha thutlukna sual an siam ṭhin avangin an hna aṭanga hlip lailaukin inreview-na leh inassessment-na an neihpui ṭhin a. Chumi hnuah refereeing duty-ah hian koh kir leh an ni ṭhin a ni. Hetianga koh kir an nih leh ṭhin hi thil thleng fo engual ni mah se, Manchester derby anga match lian leh pawimawh maia thutlukna sual lian tak siam a nih avangin mipuite ngaihmawh a tling hle a ni.
He official rawn kir lehna hian Premier League match thar lo thleng turah VAR hman dan leh referee-te thutlukna siam ṭhin uluk a ngai zual hle dawn tih a tilang a, fan-te pawhin match thara referee-te chet dan leh thutlukna an siamte chu uluk takin an thlir zui leh hle dawn a ni.
