Manchester United head coach Michael Carrick chuan an squad fitness dinhmun chungchanga mi ngaihven leh sawiselna awmte chu a ngai pawimawh duh lo va, Craven Cottage-a Fulham nen 1-1 a an inhnehtawk ṭuma an inkhelh tawp danah an sawiseltute chu a dik lo tih an lantir niin a ngai.

Kar liam ta tawp lama data leh statistic tarlanah, tun season Premier League-ah Manchester United hi tlan chak zawng (sprints), thui tlan (distance covered) leh chak taka tlan zat (high-speed runs) lamah a hniam pawl an ni tih tarlan a ni a. Fulham an hmachhawn hnuah striker Matheus Cunha pawhin an phurna leh tha neih tawk loh chungchang chu a sawi chhuak a ni.

TV reporter nena an inkawmnaah, Carrick-a naute chu inkhelhah an ṭan tawk lo (passive) tia zawhna an zawh chu Carrick-a tan chuan chhan a nuam chiah lo va. Fulham mualah hian first half-ah mualneitu lam hian tlan thui lamah United hi an khum deuh reng a, second half bul an ṭan dan pawh a zawi hle a ni. Hemi hnu hian minute 60 chuang hret a liamin Lisandro Martinez chuan anmahni goal-ah ball a ti-lut (own goal) a, Cunha chuan TV-ah sawiin mualneitu lamin second half-ah tha an rawn thawh hnem zawk tih a sawi.

Cunha chuan, "Second half inṭan tirhah khan keini aiin tha (energy) an rawn thawh hnem zawk a, hetiang hi chu kan pawm thei lo a ni," tiin a sawi chhuak a nih kha.

Mahse Carrick chuan he Cunha-a ngaihdan hi a pawmpui lo hle a, London khawthlang lama inkhelh tawp dawn hnaia United nawr let dan chu khingpuite an ngam tawk zia fiahna a nih thu tarlangin, a squad fitness-ah buaina a nei lo tih a tichiang thung.

Carrick chuan, "Aih, buaina lian a tlingin ka hre lo hrim hrim. Inkhel kan khar dan en kha chuan ka tan chuan chutiang a lang lo. Inkhel kan khar danah khan ka lungawi hle a, chak tak leh tha thlah miah lovin kan nawr zui reng a ni. Chuvangin hei hi buaina a nih ka ring lo," a ti.

Premier League-a a mawngphah lama awm Fulham lakah goal an chhuah hnuah United hian chhanna ṭha tak an pe let a, Carrick chuan hetianga an mize pholan hian season kal zelah nasa takin a puih a beisei a ni. Inelna hrang hrang match sarih khelh tura match li laia tlawm thei dinhmun hlauhawmah an awm laiin, Cunha-a pet per lut chuan point khat a hlawhchhuahsak ta hram a ni.

Carrick chuan sawi chhunzawmin, "Hei hi thil lian tak a ni a, point khat chauh kan hlawhchhuak a, chak kan duh avangin lawm lutuk chiam chi a ni lo; mahse team anga inzirna kawng khat a ni," a ti.

"Ka sawi tawh ṭhin ang khan, kar hnih chhung lek khan kan result a kal tluang lo va. Hetiang hunah hian in hriat chian tawn a ngai ṭhin. Player-ten ka mizia an hre chiang a, keipawhin mimal tin leh team ang zawngin ka hre chiang bawk a ni. Engtin nge kan chhan let, hma lam pan zel turin eng dinhmunah nge kan din tih zawng zawng hi team anga ṭhanlenna pakhatah a tel vek a ni.

"Thil a tawp thleng tur chuan thil tam tak paltlang a ngai a. Vawiina thil thleng pawh hi kawng dang hlakin a kal thei a ni, 100% in a theih. Mahse an rawn chhan let danah khan ka hlim hle a, hei hian hma lam kan pan zelnaah min puih ngei ka ring. Player-ten an rilruah an vawng a, keipawhin ka mit ngeiin ka hmu a ni. Chuvangin hma lam pan nan phurna min pe a ni," a ti bawk.